ياعديم أحساس .................... بقلمي

بعتني وأنه الجنت شاريك
حرام وياك كل تعبي التعبته
وك غرك كلام الغير وانسيت
ياعيبت العيبه وياشمتة الشمته
بلسان حية انته اتلاسنت وياي
ودمع تمساح اكبال عيني نزلته
غم رايك ولك من رحت للغير
وكلي من غيري شنو الحصلته
ياعديم احساس تبقى بلايه راي
وحبك من هذا الكلب شلته
انه مات كلبي وما يفكر بيك
وغلاتك بيدي انصبت فاتحته
ظل بغرورك ولا تطخ الراس
بس لاتعتقد انته اوصلت للردته
انه طبعي مثل نخل شامخ اصير
وصدكني لو مات ايموت سكته
بانت وعندي كلشي واضح صار
ونور طريق البيدي انه ارسمته
عرفتك خاين من الجدم للراس
وانه البظهري سهم بيدك طعنته

ومضه
خون اشما تخون متهمني وعيونك
وحجيك ويه الشماته انسيته
ولاتظن ارجعلك لو تعمه العيون
لأن دمعك دمع تمساح يمي ابجيته


بقلمي الشاعر
عقيل كريم الشويلي
16-9-2011

الله ياعقيل الشويلي قصيده وومضه جميله تقبل مروري لك فائق احترامي

انه مات كلبي وما يفكر بيك
وغلاتك بيدي انصبت فاتحته
ظل بغرورك ولا تطخ الراس
بس لاتعتقد انته اوصلت للردته
انه طبعي مثل نخل شامخ اصير
وصدكني لو مات ايموت سكته

والله ابداع ليس كمثله ابداع
قصيدة اعجبتني كثيرا
عاشت ايدك اخي عقيل
تقبل مروري المتواضع

ابدعت حقا شاعرنا الغالي
قصيدة جميلة رائعة المعاني
كل الشكر اخي الغالي
وخالص تقديري

الله الله الله

ابن العم حزن وشجون
وغدر واضح من الحبيب
قمه وروعه في روعه
كنت مبدعاً ابن العم
تحياتي وودي لسموك
الرائع

القصيدة كلها كبرياء رغم الجراح
تسلم ياعقيل الشويلي
كنت فنان في صياغة المفرده
تحيااتي

كلمات لامست الجرح
اخي العزيز سلمت اناملك

بعتني وأنه الجنت شاريك
حرام وياك كل تعبي التعبته
وك غرك كلام الغير وانسيت
ياعيبت العيبه وياشمتة الشمته
بلسان حية انته اتلاسنت وياي
ودمع تمساح اكبال عيني نزلته
غم رايك ولك من رحت للغير
وكلي من غيري شنو الحصلته
ياعديم احساس تبقى بلايه راي
وحبك من هذا الكلب شلته
انه مات كلبي وما يفكر بيك
وغلاتك بيدي انصبت فاتحته
ظل بغرورك ولا تطخ الراس
بس لاتعتقد انته اوصلت للردته
انه طبعي مثل نخل شامخ اصير
وصدكني لو مات ايموت سكته
بانت وعندي كلشي واضح صار
ونور طريق البيدي انه ارسمته
عرفتك خاين من الجدم للراس
وانه البظهري سهم بيدك طعنته

عاشت ايدك فعلا قصيدة اجت عل جرح صح لسانك