انتظرت

انتظرت... وانتظرت... وانتظرت
وهلال عيدك ما اجه وزين سماي
ولا روتني غيوم حبك من عطش ونطتني ماي
لشوكت ابقه انتظر؟
حته ساعات انتظاري اتمرمت
انتظرت
انتظار انسان حاير ما اله بهالدنيا راي
مرت ناس.. راحت ناس ...
وانه كل ساعه وأكولن ولفي جاي
ومرت بروحي الدقايق
موس وتحز بوريدي وما كلت من عدها آي
لملمت همي عله صفحه
وتركت كلشي وراي
وكلت احبه وهو يحبني
وما يملني
مستحيل بيوم ينساني ويردني
مستحيل بيوم يتحمل الراعي
ويكسر بمعصمه الناي
ليش يالغالي عليه؟
انته عمري وكل حياتي
وكلشي اليأذيك ريته يصير بيه
ليش تتركني الوحدتي وانته كل الناس اليه؟
وانته وحدك تعرف وتفهم دواي
انته ناسي
وانته انفاسي
انته اكلي ..وشربي.. وانته هواي
يمته فجر الغربة يكضي وتشهك اوراقك نداي
ضيعت بهواك روحي
ومحد اومالي عله روحي وكلي هاي
وشمس المعاتب جوتني
ومرمرتني
وما رحمني اللايذ بسد الفياي
يلي سباحك جزع مني وتركني
ولملم همومه ونثرهن فوك متني
ليش عني اتأخرت

شكرا لك على تلك الكلمات
راقت لنا على ماتحمله من مشاعر
دمت بهذا الالق
تحياتي

{ولا روتني غيوم حبك من عطش ونطتني ماي}
الشاعر بروكن اوراس او هكذا فهمته ابدعت
في تصوير الحدث بعدسة ادواتك المعبره
انتظر جديدك بفارغ الصبر

رووووووووووووووووووووووعه
تقبلوا مروري

قصيدة في غاية الروعة صورت صورة جميلة الشكل والمعنى تحياتي لك يارائع

شكرا لكم جميعا اخوتي واحبتي الاعزاء الاعزاء على ردودكم ومشاعركم ... يشرفي جدا مروركم

شكرا لك اخي ابن البصره على القصيده الجميله والمشاعر الرائعه كانت روعه

الاخت العزيزة نرجس ... الاروع هي كلماتك التي زينتي بها متصفحي بمرورك العطر ... جزيل الشكر والامتنان