أنه أبن الحزن .............................. بقلمي

أنتهينه وهــذا حـدنـه وياك
وماضلت سولف بـعـد نحجيهه
انتهت ضحكاتنه المرسومه عالشفتين
وكضت دمـعاتنه الجـنه نبجيهه
كثرن بكلبي جروحك وصارن اهواي
ومن اثارهن ياجلمه البعد تشفيهه
تحددنه وبـعـد ماتمشي الرجلين
وبـعـد خطواتنه الياجرح نمشيهه
ولك بسك يادهــر متكلي اشبيك
ومتكلي الياوكت نظل الضحكه نخفيهه
بقيت اتبيع بحزنه الهــذا والـذاك
وكمنه ادموعنه بأغلى الثمن نشريهه
يخايب جلمات عندك ماتمـر عالبال
ولاتخطر عـلـه العاقل ويفكر بيهه
ياليل منك ابد ماشفت راحـة بال
وأنه راحة بالي بأحزاني كمت أسليهه
شتريد انته أخذ منك كلشي ماريد
والضحكة من الشفايف قررت امحيهه
أنه أبن الحزن ماعرف الفرح يوم
وبكسرة كلب كمت افراحي الاكيهه
ولك لاتزع ورد وبصفه عـاكـول
وتجيب الصحيحه اعله الجربه تدنيهه
شوف الفرق بين الورد والعاكول
وشوف الجربه ويه الصحيحه اشبيهه
لاتهجي الروح بسك بعد مايفيد اللوم
وماتستحق كل هذا منك حتى تهجيهه
ازرع طيب خاطر تحصل اعله الطيب
والوادم جزات الطيب بالطيب توفيهه
أنه ماتت روحي وهذا حدها وياك
ماتستحق منك هجاء تستحق ترثيهه

بقلمي
عقيل كريم الشويلي
4-9-2011

كثرن بكلبي جروحك وصارن اهواي
ومن اثارهن ياجلمه البعد تشفيهه
رائع انت كعادتك سيدي الكريم
دمت مبدعا دومك

ااااالله اااالله عليك اخويه عقيل رائع رائع ومبدع انت تسلم ويعطيك العافية تحياتي الكـ ياغالي

ولك لاتزع ورد وبصفه عـاكـول
وتجيب الصحيحه اعله الجربه تدنيهه
شوف الفرق بين الورد والعاكول
وشوف الجربه ويه الصحيحه اشبيهه
كلمات غايه في الروعه منك ياشاعرنه المبدع
تحياتي لك

انت رائع ابن العم
فكلماتك لامست شغاف القلب
وتدانت من الجروح وجعلتها
تنزف شوقاً الى حبر قلمك
الرائع دمت ودام فيض قلمك
واحساسك
تحيااااااااااااااااااااااااااااااااااتي
ابن العم

ابداع
وتميز وكلام في الصميم
صح لسانك وسلمت يمينك
والله كلمات غاية في الروعة
لا حرمنا من روعة قلمك ايها الممز
دمت لمن تحب
تحياتي

الشويلي ابدعت عزيزي

شكرا على هذا البوح اخي العزيز الشويلي
شكرا لك مرة اخرى