سهم هجرك وصلني
وﮔـلت خاف يتيه
ﮔـمت انه بديه بكَلبي دليته
وخفت لونحت خاف
الناس تسمع بيه
ﮔـمت يم ريتي حدر الظلع ظميته
ﮔـالوا ماينام الدهر
موجر بيه
مايدرون هجرك مـــــوت تاليته
ومن كشفوا عليّه
وعرفواشماذيه
ﮔـالواسهم كَاعد يـــزرف بريته
منسولف قصتي عل
حايط ابـﭼـيه
وصدﮔـني الصخر يافلان بـﭼـيته
ﮔـلبي منل هجر
نيران وجت بيه
وانته ويالفــزع ماجيت طفيته
انته شوحطب ﮔـايم
تذب عليه
وكلما يهفـــت الكانون وجيته
تالي اصبح رماد
النار اكلت بيه
ونتـه ويالسعير بناره خليته
وهوبسكرات موته
الناس راحت ليه
وانته وياألاجو بالـﭼـذب ماجيته
حتى يوادعك باخر
انفاس البيه
ﭼـاهذا اليحبك هيـﭻ جازيته
بقلم الشيخ ابوحيدر الشويلي
