قصيدة شفت جرحي
شفت جرحي شفه بيد اليكرهون
وكبر جرح اليروفونه الكرابه
وشفت نحله جتيله بين الزهور
وعلى صافي العسل تحكم ذبابه
شفت بلقيس عافت ذيج القصور
عكب عز القصر سكنت خرابه
شفت ناسي وحوش بظلمة الليل
غفل عضني الوكت ومضت نيابه
وشفت ذيب اليصول بساعة الجوع
على زاد الجلب سايل لعابه
وشفت ذول اليخوفون الدرابين
صفو وكت الصدك كلهم غلابه
شفت دنيا دغش بيها الموازين
يحاكمنه الضبع والديره غابه
وشفت شايب يعن كلفه المصيبات
لأن وسفه بجهل ضيع شبابه
وشفت واحد يخط شعره بتلاوين
على تالي العمر كام ايتصابه
وشفت كلها عرايا بساعة الضيج
يسويها القدر وحنه انتعابه
وشفت سيفي ذليل موطخ الراس
العمر كل المر ماشك كرابه
وشفت شاعر خطيب يحرك جموع
راووه الورق غير خطابـــــــه
شفت كلي اشتوف اليوم وياي
تغني الناس وهمومك ربابه
