رائعة من روائع الشاعر بشار الشداد الحياوي
وكادت ان ......!!!!!
ليش.......؟
ليش هاي الناس ما ترضه العتاب
ليش تزعل من تدليها الغلط
ليش عدهم بالأثم عزة و غرور
والكرامة شكثر يملون الجنط
ليش عدها الشرف من جوه الحزام
و ما يهم الفوك لو عدها سقط
ليش عدهم دينهم حيله و رياء
بلا خجل كلها على هذا النمط
كلها حدة سيفهه بأسم الصلاة
و اللي رايد يسلم بروحة فحط
شاخ ابليس و نوه على الاعتزال
شاف خستهم تمرض ونجلط
ياهو التلزمة يصيح اني الزعيم
والشعب مسكين بي داء القطط
ياهو التلزمه يدافع عالفقير
والفقير يشوف كل حقه انسرط
تقتل و تنهب وتحجي على الحرام
والشعب مكرود جد جده انسمط
