أني اذا حبيت احبك من ضمير
روحي شمعة ليل تذبل من تحب
واذا اكرهك الله يستر من وراي
وضلت بكيفك تكمل تنسحب <~
http://www.alforat.org/imgcache/1/11599_alforat.org.gif
أتريد تعشكً راح تلكاني ملاك
وحظن دافي وورد والوان وعشب
وانت اذا رايد لعب اهلآ تعال
هاي سهلة وحتى مابيها تعب
العبك والعب على ا لعبو عليك
العلمك تلعب اعلمة على اللعب <~
اتريدني اسهل سهل وياي صير
اتريد تصعب راح تلكاني صعب
اتريد منعدي عشك انطي حنان
http://www.alforat.org/imgcache/1/11600_alforat.org.gif
اتريد من عندي ذهب تنطي ذهب
اتريد من عندي وصل انطي وفاك
تريد تنطيني جذب تاخذ جذب <~
http://www.alforat.org/imgcache/1/11601_alforat.org.gif
ولان واحد كًلبي واحد يبقى بي
اني ماعندي حبيبين بكًلب
اني مثل النار تنطيها تزيد
منها تاخذ راح من يمك تشب
عيني اذا مابيك تمليها حنان
http://www.alforat.org/imgcache/1/11602_alforat.org.gif
راح من تروح لاجلك ماتصب
وباب كًلبي اذا متحني بديك
لو شلعت الباب ماتكدر تطب < ~
http://www.alforat.org/imgcache/1/11603_alforat.org.gif
اتريد تكسرني صعب لين اصير<~
اتريد تعصرني تلكيني صلب
بكيفك اني اشلون مارايدني اصير
جاهز اني ومنتظر عند الطلب
الخشب نفسة اتريد تصنع بي خراب
اتريد كرسي ملك تصنع بالخشب <~
اني طبعي نخلة وياة كاع
اذا ماكو الماي ماتنطي رطب
وابد لاتستغرب <~
الحب لو عذاب هي رحمة
ولابسة اهدوم الغضب
الحب جرح لمن نداوي نحتوي
http://www.alforat.org/imgcache/1/11604_alforat.org.gif
والجرح لمن نهجرة يلتهب
بالعشك كلشي اكو كلشي يصير
اكو بالغصبن واكو لاموغصب
لاتستغرب لاجل التحبة تموت
بالعشك ماكو عجب
بس العجب ناس ماتت حتى التحبة يعيش
وناس عاشت لاجل التحبة يحب <~
http://www.alforat.org/imgcache/1/11605_alforat.org.gif
بيوت عمرت بالعشكً صارت قصور
وبالعشك نفسة الف بيت انخرب
اثنين يعني الحب اذا ثالث يفوت
حرف ثالث فات يتحول حرب <~
المثل ماينظرب اذا عاشك اسير
المثل مرات بالحب ينظرب
مو شكو حب يستمر يعني صحيح
وموشكو حب ينتهي يعني نصب
اكو حب ينتهي بس ذكراه يعيش
واكو حب يستمر بس اسمة انشطب <~
سبب حبك اذا تلكاه لاتكول
احلى حب اذا تحب بلا سبب
للشاعرعلي الفريداوي
