الشاعر رياض الركابي
اصيح امن الالم ، تسگيني تصريح
دوه التبرير ماينهي المعاناة
اذا انت اتشوف نصف الكاس مملوء !!
النصف الفارغ امن الكاس مأساة
مو نظرة تشاؤم ، واقع الحال !!
اليطيرن شوفة اعيوني .. فقاعات
ضحكه انطيني لتأملني بالعيد
جيْة العيد تدري اشتعني للشاة
واذا احساب الصبر عندك بالسنين
الدقيقة الوحدة تنقذ بشر مرات
واذا كل يوم عثرة او جرح مجروح
تصير ابلاطعم كلمة سلامات
من آنه عدل ماخذت الحگوگ
امن اموت اشلون احصلهن ثوابات ؟
