حاسبينك ,, رائعة الشاعر الكبير زامل سعيد فتاح

من اروع القصائد التي كتبها زامل سعيد الفتاح.. لعيونكم

حاسبينك .. مثل رمش عيونه
بعشرتك لينه
معاهدينك .. وانته كل العمر
وأيامه وسنينه
وداعتك ذاك انته غالي
حبيب وسلوة حجينه
انته روحي .. وروحي جم حب تدري بيهه
حبها للكاع المشيت انته عليهه
حبها للمزنه الروت خدك سكيهه
وحبها للناس التحاجيك بحجيهه
حلوين ..
بوجوهم فرحة الدنيه الضاحكه
حلوين ..
بعيونهم ملكه أحبه مفاركه
العين لو شافت وجوهم باسمه
تشع بسعاده
والكلب برياضهم فراشه بالحب حالمه
وطافح وداده
عاشكين احنه وهوينه
ومثل ما ردنه لكينه
وحاسبينك ..
انته خليت السوالف .. طافحة بروحي قصايد
وانته علمت الشفايف .. بالغنه تصوغ الكلايد
انته .. يا انته وغرامك
وشكبر روحي بسلامك
همه روجات الفرات .. العاشرت في الشواطي
همه دجلة ومن دلاله .. يسيب ويه الكمر غافي
حلوين ..
صابغتك من الغروب خدودهم
حلوين مثل عشرة رازقي .. ويه الندى بعهودهم
وحاسبينك ..

كلمات رووووووووعه
غناها الدكتور فاضل عواد
لك مودتي

وكم كانت جميلة بصوت فاضل عواد
مشكور اخويه سامي
يعطيك العافية
تحياتي الكـ