نزل حبل الفرح واتوسد البسمـــات .... عالشفة وتهاب اتشوفة واتودعـــــــه
يبن المصطفى شد للزمان جفــــــوف .... وضيع كل هظم من ناس مجتمعــه
بميلادك تطش من الدمــــــوع افراح .... ابمهدك يالحسن باب الحزن شلعــة
فرصة انه انتهز بالمجلس ادري اليوم .... موجود بضيائك انت والبضعـــــه
مو وحدك اكيد الهاشمية ويـــــــاك .... بميلادك حضر دين النبي ودرعـــة
اريد افتح مســـــامات الجسد والروح .... افيضلك شعر بدموع متوزعــــــة
على ابيات الصبر ياسيدي بكل حين .... صدر وي العجز بالاه متفرعــــــــة
عذرا سيدي وهالليلة عدنه افـــراح .... بس ندري اليجيك بحاجة مترجعـــــه
عكس بينه الدهر ومراية وجها يصير .... نبجي اعلى الضحك سوة الفرح قرعة
عاين للجفن ماتلكة بينــه عيــــــون .... عدنـه العين توكع تسبك الدمعــــة
شفنه اطفال تضحك من يجيها الليل .... وشفنه الليل يطفة من ضوة الشمعة
مر بينه الزمن يتعلم اعلى الطيب .... واهل الطيب فوك اعلى الزمن ترعة
تخطينه وتعدينه البوادر هـــــــــاي .... وتمعنه للاخرس صوت اله انسمعة
قفص بينه الحزن والفرح بي محبوس .... بسبب ناس الرياء ودفتر البدعـــة
دستور الوعد خطة الحكم مكشـــوف .... وبدم الضمير المشكلة موقعــــــــة
ابشرك يالحسن حتى الضمير انشــال .... بــــاعوا بالمزاد بســـــفرة الجمعة
غميضان يلعب عالكراســــي الذيب .... والعصفور كاشف سيـــدي مجزعة
اوعدك يا وعد وازكيك يا كمـــــــون .... بين للقميص الجيبة اله يشبعـــــه
انطيك الدليل اباسط الامثـــــــــال .... يمد حبل المودة الجارة ويكطعـــــة
ماكلك نمل ثوب الصبر موجــــــود .... صار اعلى الكلب بس الصبر ينعــه
محتاجين رفعة جفك احنه اليــــــوم .... يعجل الله الفرج بس جفك اترفعــة
foraten.net/?foraten.net/?foraten.net/?foraten.net/? رفيش 8/8/2011
