آه ياوطن( بقلم ام ابراهيم )
كل وكت دمك يهل يالوطن وجروح غركانه
وكلبك ياغالي من هلوكت يلهب جمر نيرانه
نارك ماطفت لسه ولهل الوكت دخانه
حبك بالكلب ثابت ويه دماي جريانه
فديتك يالوطن كلبي وكل اعضاي وشريانه
عله هظمك وعله ظلمك تبكه الروح عدمانه
يمته نشوف الورد بيك وانام بحضانه
اشوف اترابك الحزنان يبجي بدمع ودمانه
مو يمك علي وحسين والعباس واخوانه
شو بعدك يتيم وتبجي ودموع دم جريانه
هم الحزن جامن بيك مثل ما جمن بيه آنه
شوكت انشوفك امعيد ونارك تطفه لاهبانه
اشوفك ياوطن مخنوك لحزنك كله الناس حزنانه
تضل مخنوك لما ايصير يوم العيد بر وامانه
زمان المهدي لما ايحين ويحارب الخوانه
تذب ثوب الحزن يعراكنه وكل الدنيا فرحانه
بظهور المهدي لمه ايهل ويضرب جمع عدوانه
:66 (46): ( ام ابراهيم ):66 (46):
16/8/2011
(ابو ابراهيم)
(الخزرجي)
