جدر مايك يافرات
شعجب تتلون ألوان
مو أنا اللي أعرفك ياوليفي
إجا فيضك كبل الآوان
عادتك تزهي بهالوكت
إش صابك كثرت الأحزان
***
مو تدري أنا مهووس
بعشكك ومااتحمل الأشجان
عادتك حتى بفيضيك
تضحك بشهر نيسان
ياسلسبيل وعذب حتى
إسمك ورد بالقرآن
***
ذكرك كل شاعر
وتغنى بجمال الشطآن
حتى الفرات يالقدير
كابلك بكهوة عصمان
هذا غيض الكهر
مو فيض تدري بيك العربان
***
حتى برياح الهبت
مو مثل ذاك الزمان
اعذرني معتادلك يافرات
تراتيلك نغم بالواجدان
غيظك يافرات الخير
ماتتحمل تشوفا العربان
***
رفيق الجهلوالصبا
تعلمنا بحضينك فصيح اللسان
ومعودة ريام موشحه
بالعبي تزهي على الشطآن
أعرف مو بالسهوله الزلم
تردللك كهر الزمان
***
يافرات أزرق بصفاتك
تزهي بيك كل الألوان
جدر مايك ولآه
فاحت بكل الأركان
تستاهل نبجيلك يافرات
ياحنون ورمز لأوطان
***
أعذرني ماهو بيدي أخط
للألم عنك أريدك بلأمان
لأنك عشيرالجهل
بطياتك دفنت أسرار الأحزان
دائماً إنت يارمز
وصورة جمال باتقان
أدعيلك ربي يحميك
وبربوعك يعودالأمان
***
شعر
خالد الفرج
