سير ع الجفن طيف وحلم سهران

سير عالجفن طيف وحلم سهران
وي نجوم صبري الليلة عديتك

الروح اشتاگتك دمعة ندم بالعين!!!
بنظرات المعاتب جيت حاجيتك

ما اگلك تعال وارجع و لتروح
تروح براحتك وبكيفي خليتك


جرح ينزف محنة ما اريدك دوم
وبخيط الهجر بهداي شليتك


عليمن جاي تعتب بيه ليش تلوم؟؟؟
جي گلك سهم وبصدري صديتك!!!

وهم حبك بنيته وصعدت سافات
وصلت لساف غدرك بيدي هديتك

خلصت العمر شجرة وتطيح اوراق
بين انتظــر جيتك بين مليتك


ومسودن عليه تگول كل الناس
من شلت الدمـــع وبعيني خليتك!!!


غمضت الجفن خايف يهملك يوم
ومثــــل لمت نده للعازة لميتك

تتبده شعجب وبكاس غيري تصير؟؟
عطش حته الجرح جي عنه ضميتك


نذرت الروح تدري لجيتك أمن اسنين
مثل خيط بأمـــام بكلبي شديتك!!!

للشاعرة العزيزة
الاء الربيعي

جرح ينزف محنة ما اريدك دوم
وبخيط الهجر بهداي شليتك
عليمن جاي تعتب بيه ليش تلوم؟؟؟
جي گلك سهم وبصدري صديتك!!!
الله يا مبدع

نقل جميل جداً
وذوق رائع في الاختيار
كلمات جميلة ذات مشاعر راقية
وناقلها مثل كاتبها
شكراً لك حبيبي ايليا الورده
على هذا الابداع
وسلمت يد الاخت
"آلاء الربيعي"
مع تحياتي

رائع ايليا ما انتقيت تقبل مروري