( عزة نفس)
مايحتاج اسولف بالتفاصيل المصايب جانت اسباب الحظارات
دنيا مخربطه ولو رادت تميل تنصي الزين وتعلي التفاهات
ربح بيها الجذب والخوش تمثيل وسوك الصدك طايح بالخسارات
اذ محسوب انت من الزناكيل تتلكاك ناسك بالصلاواة
وذا جيبك فرغ عن صحبتك شيل على كد البجيبك لحترامات
............................
وما اشكي الفقر مستوره والله بعد حيل وبعد وياي جفي
بعنادج يدنيا اشما تسوين الجدر فارغ جذب للنار اهفي
عزيز النفس طبعي وما اذل يوم الي ولهلي كريم الوصف وصفي
ضافتني الشماته بشدة العوز شلي بروحي كلت لوما تكفي
كمت اذبحب اشأذبح بيدي سجين تخايلي (طلي) وكصيت جفي
.............................
الشاعر غسان المكصوصي
