(( مجموعة أبو ذيات روووعة ))

سكركاس العسل من ظاك نفسك
واكو غيرك حلوبس ماكو نفسك
اريدك ياحبيبي اتبوس نفسك
بس ابداخلك تنويهة الية



ضعفت ما واحد بربعي ... گواني
وشلت حملي على جتافي ... گواني
اموتن جوع وابقى البس ... گواني
ولا فد يوم امدلهم اديه.








الك كعدة بدليلي ودار من دار
وعلى غيرك حبيبي النضر مندار
روحي فراش الك والجسد مندر
اذا مو كطن اصلي اعتب علية



وحك من صاغ اخلاقك وحياك
طلع شريان من كلبي وحياك
احبك واحترم شخصك وحياك
اخوي وصاحبي وغالي عليه



هجم حبك على أسنيني ... غزلهه
وروحي بمغزل الحسره ... غزلهه
الرسايل بس الك يحلى ... غزلهه
لأن طبعك وفي وروحك وفيه



من فركاك نهرالدمع صبيت
الك تمثال وسط الكلب صبيت
اصب الجاي وكلاصين صبيت
حسبتك كاعد ونشرب سوية



العقل بأمر الصديق ارجوك حكمه
وبدال النكته خلها تكون حكمه
اليغدر صاحبه مو مهم حكمه
المهم شلون نتلافه القضيه






ادري بيك خوش انسان فله
وفنك من تحل هل لغز فله
لعبت وياك لعب استون فيلا
وشياطينك حمر هجمو عليه




لتريد الجزر يا خوي مد ريد
وما ندري لعبنه قدم مدري ايد
لعبتي وياي لعب ريال مدريد
وحته الكولجي كول عليه





عليك العين مو تدمع تكت لك
وجروح البيه متحلفه تكت لك
احجزت من الكلب اني تكت لك
دسافر روح لاترجع اليه




منقول


تحياتي

ابیات روعه في الجمال تسلممممممم علی الاختیار والذوق الرفیع تحیاتي