احبك ترضه ماترضه/بقلمي

شويه بس اوكف حبيبي
وعني طرفك ليش يمعود تغظه
روحي تدري وياك صارت بين اديك
وانه اموتن بالعشك وياك ارضه
مثل كاس بلا خمر كلبي بجفاك
ذب عله خدود الارض روحه وتشظه
وحتى لو صرت الكمر تلكاني كاع
تدري يحتاج الكمر لو دار ارضه
كل لحظة هجر من عمري جنهه سنين
وكل عام اليمر وياك احس لحظه
اغتسل كلبي وتوضه بدمع العيون
لازم من يذكرك كلبي يتوضه
توجهت القبلتك والاقامه الشوك
صليت الهواك واتممت فرضه
غصب عنك احبك وانته ممنون
لئن راضي عليك شلون ما ترضه
لعب اقمار حبك غالب ومغلوب
يعني اهنا بخت كلمن تره وحظه
بقلمي
محمد الحميداوي

رررررائع ياشاعرنا ماخطه قلمك من شعر جميل

لك اعطر تحياتي

صح والله اخي الحميداوي
عاشت ايدك يامتالق
تحياتي
د\ سلام الدراجي

وكل عام اليمر وياك احس لحظه
اغتسل كلبي وتوضه بدمع العيون
لازم من يذكرك كلبي يتوضه
توجهت القبلتك والاقامه الشوك
صليت الهواك واتممت فرضه
غصب عنك احبك وانته ممنون
لئن راضي عليك شلون ما ترضه
لعب اقمار حبك غالب ومغلوب
يعني اهنا بخت كلمن تره وحظه

عاشت ايدك عاشت ايدك كلمات غاية الروعة والجمال وصف حقيقة رائع دائما مبدع في كلامك تقبل مروري

الاروع مرورك اميرة الروح تحياتي لك

اشكر مرورك الغالي اخي سلام تقبل ارق التحايا

ان اطرائك ام افنان اعتبره وسام شرف لي تقبلي تحياتي ياغاليه

صليت الهواك واتممت فرضه
غصب عنك احبك وانته ممنون
لئن راضي عليك شلون ما ترضه
لعب اقمار حبك غالب ومغلوب
يعني اهنا بخت كلمن تره وحظه



اي والله صح السانك اخوي الكريم ابو جاسم كلمن وحظة
عاشت ايدك على احلى كلام تقبل مروري