صبر ايوب(للشاعر نعيم الفراتي)

ايكولون شو ما تحب دور الك محبوب
كلت الهم اني من احب لازم الناس اتوب
ما درو بيه طبع غالب اذا مغلوب
سموني بارد طبع كالوا ندي ومرطوب
صح اني مثل الثلج بس بالكلب معطوب
محسوب يا صاحبي هذا العمر محسوب
لا ترجى غير الذي على الكصة الك مكتوب

مو كل ضحك سنة الك يطلع حلو اومعتوب
ومو كل جرح ينحسب وينعد على المصيوب
الحزن ماهو حزن لوما حزن يعكوب
والصبرماهو صبر لوما صبر ايوب
اكلوب هاي البشر يا ناس موش اكلوب
يا دوب بيهم رحم وسفة الرحم يا دوب
ابيوم ظرفي دبسكالوا نداه حالوب
وبيوم خر الدبس كالوا سكه ومعيوب
لاتشتبة صاحبي دنياك بحر اذنوب
ادم ونوح وهود وادريس واليعقوب
ودم يحيى فار اشكثر والنايبات اتنوب
والكلب ذاك الكلبوالعدل ظل مكلوب
جم دوب اصبر الك يا صاحبي اجم دوب
امس المسيح انصلب صاحوا عليه مصلوب
وبلحضة من غيبتة سر واتعب الحاسوب
زهزب زمانك ولو لحظة الفكر مطلوب
يمكن تحس ابجرح غيرك اذا مغصوب
وان جان تنشك ورد وانه انشك الخرنوب
ما تدري بيه طبع غالب اذا مغلوب



الشاعر / نعيم الفراتي