بقلمي-بجت حته المدينه

=بچت حته المدينه=
ييمه وداعتچ بعدچ بچينه
عگب عينچ بچت حته المدينه
عيد الناس حسيناه مو عيد
ملابس للحزن رحنه اشترينه
ييمه وداعتچ حته المراجيح
يوم العيد شفناها حزينه
مو بس بيتنا يايمه زعلان
الدنيه بحالها زعلت علينه
[COLOR=#000080بعد عينچ ييمه من رحلتي[/COLOR]
حسينه الوطن ما راضي بينه
وحشه بكل كتر كل الشوارع
مثل وحشة العشره عد سكينه
شفنه ارواحنه مثل المساجين
واساره بلا سبي چنه انسبينه
تعودنه عليچ واحنه ازغار
واكثر من كبرنه اتعودينه
كبرنه ونسمع بصوتچ دللول
وچنه ازغار وبحضنچ غفينه
چنه ابليلنه نفرح ونرتاح
وگلبچ بالقلق ميت علينه
ييمه من يتانينا على الباب
عگب عينچ اذا باليل اجينه
يافيض السيول بشحة الماي
يا اول نهر منه ارتوينه
يا بلبل يغرد فوگ الاحزان
ويطيرنه فرح ويطير بينه
يانسمة حنان بشحة الگيض
وبيام الشته بحضنچ دفينه
هيهات نتلاكه بمثلچ احباب
دورنه اعله مثلچ ما لگينه
ماضن بالرثاء تردچ اشعار
ولا دمعه تردچ لو بچينه

كلمات
ناصر اسماعيل الموزاني
كتبت بتاريخ1996
في الدنمارك{ اودنسه}
رثاء لااحد الاصدقاء الذي
توفيت والدته يوم العيد

اااااااااااالله الله عليك اخي ناصر مبدع وربي
قصيدة رائعه ومعانيها اجمل عاشت الايادي
وتقبل مروري

رائع سيدي كلام يستحق كل التقدير تحياتي لك ولما خطته اناملك ياغالي

اقتباس:

---

المشاركة الأصلية كتبت بواسطة كبريــاء رجـل

اااااااااااالله الله عليك اخي ناصر مبدع وربي
قصيدة رائعه ومعانيها اجمل عاشت الايادي
وتقبل مروري

---

شكرا اخي على كلمات الاطراء الحميله لك كل الورد
اخوك ناصر

":يسسلمووو اخوي صح لساانك :

....تحيااتي ..

قصيده لطيفه صح لسانك الموزاني

صح لسانك أخي الغالي
قصيده روعه
تقبل مروري

عاشت الايادي اخي الموزاني يعني حقيقة كل شي على الام يبكي ولا نستطيع الايفاء بحقها ولو بكل الاشعار تقبل مروري