آنه ماكولن خطيه اعله الشموع

آنه ماكولن خطيه اعله الشموع


الذوباهه النام وسط احضانهه


احسد اصخور الجرف لو فتهه روج


لن شــــــــــــــــــفايفهن لثم شِــــــــــــيطانهه


الفخر مو للطش بذر وانطاه دماه


الفخر للبذرة التمد اغصــــــــــــــــــــانهه


ولا يغرك زمر طكََََََـ صيده ورماه


عاين البالذل رخت جنحانهه


وعاين الجدم المشت فوكَـ التراب


رضت بغباره الشبكَـ سيكَانهه


انطيني واحد يسوه افديله الحياة


لن چثيرة الطلكَت جثمانهه


چم سفينه العاركت روج المحيط


وتالي يرجع صيتهه لسفانهه


والسواري ادكَـ جدم لاجل الشراع


والشرع تتفاخر بالوانهه


خلي ميزانك عكَل والبخت چيل


ولا تِبخَّسْ الناس من اوزانهه


الشمع نَس ابلحظة الخيطة چواه


وعاف لخيوط لحَرِكَـ نيرانهه


ياهو باع الوفه وياهو اللي اشتراه


والفصول اطالب ابعنوانهه


آنه احچيلك صور وانته التصوغ


والقوافي تريد ضبط اوزانهه


آنه عرفك صايغ وتفرز شكَول


والعروس بشاربك نيشانهه


وانه اعرفك ريح لو مر بالسبوس


يلكَط الحبة ويبين ادنانهه


الجملة ما تهوى الطلاسم والحروف


الماتنقطهه تشل السانهه


اكو سطحي الماي يدهده عليه


لاچن اشحده يعلي ايشانهه


آنه جبَّلت الحچي وهلت التراب


وانته حط شاهدهه يا دفانهه


وانته حط شاهدهه يا دفانهه

الله الله ياعادل قصيده كلش حلوه
ووزنها مظبوط
تحياتي

ررررررررائع لا اقول اكثر من هذا لئنك دائما تفجئنا تحياتي غلاي

الله الله الله
والله لااعرف هل تكفي الكلمات000
ان تفي فوالله كنت رائعا يااخي00
حقيقه كانت من ابلغ الصور00كنت بارعا في
وضع الخطوط بمكانها الصحيح00فكانت لوحتك تبهر الناضرين
وموسيقاها تبهر السامعين
سلمت000000000000

انا اقول للابداع عنوان
هو عادل المنصوري الرائع
حكت القصيده بمهاره وحرفنه
ورسمت لوحه رائع
شدتني اهنيك على هذه الموهبه

الرائع وصاحب الابوذية الجميلة محمد السليطي شكرا لمرورك العذب والرائع

حبيبي وصديقي الرائع محمد يسعدني تعليقك واعجابك بالقصيدة

ابو الليث الليثي الرائع والموهوب في الشعر والخاطره والابوذيه
تعليقك واعجابك وسام لي انته ومحمد السليطي ومحمد المحمداوي والكبير والرائع ابو حيدر شكرا لكم