التكفير والاسلام

فرحنه وكيفينه بلحظة التغيير
وكلنه الراح راح وجاي عدنه الخير
اشو بس الذبح هل جانه والتفجير
واجتنه افكار مدري امنين اجت تكفير
ذبحو عل الهويه وعل اللقب فوك الذبح تهجير
ماراعو رجل شايب يكع ويكوم
ولاراعو براءة طفل بعده اصغير
=========================
حرمو كل عزيز من العزيز
وفوك كل هذا الطفل حرموه من امه
مدري امنين اجونه بلا اصل لادين
والتمو علينه اتلملمو لمه
من كل ديره واحد كالو احنه اسلام
من عدهم براء الدين والامه
ماشفنه الفرح من جونه لهليوم
عيشونه بقهر واسنينه بغمه
==========================
كالو هذا سني وصنفو مرتد
وكالو هذا شيعي ولعلي امجًد
حكمنه اعدام لازم ننذبح بالسيف
قاضيهم افغاني وجاي من هلمند
ماندري فكرهم جاي من يادين
يكفر اليعتقد بالواحد الاوحد
لاسنة نبينه القرت التكفير
ولاكتب الصحابه الكافي والمسند

الشاعر
صالح قاسم