أشكر شعورك

أشكر شعورك

ياناكر جــــــــــــــــــــــــميل ألطيب وياي
وبعت أســـــــــم ألعشك وسفه ونـــــــكرته
بـــــــــس ألله اليجازي يــــــــعوض الراح
وانه بكــــــــل مسيه الرب شــــــــــــكرته
نــــــــسيت أيامنه وذيج المعانـــــــــــــات
وجنـــــــــــــحي بكل صلافه أنته الكسرته
جنـــــــــــت وياي شمعه تضوي بالبــــيت
من طــــــــــــبع الشمع يحترك سكتــــــــه
انه اشـــــــكر شعورك عالجره وصـــــــار
ألوعد ليـــــــــــش الوعد وياي خنـــــــــته
كبل عيــــــــنك بحر بيهه انه غركـــــــان
مدري شــــــــــلون بحرك مابـــــــــحرته
هــــــــــــــــسه اتحررت من بحر مجنون
ولاجفنــــــــــي البـــــــــــــعد تهمل دمعته
جنـــــــــت بكل محنه تريد ملكــــــــــــاي
واخر ماوصــــــــــــــــل بابي شـــــــبكته
هــــــــــــسه تغــــــــــيرت بدلت الاطباع
وموش أنتــــــــــــه الكبل ذاك العرفتــــــه
مثل طيــــــــــــبي أبد ماتلكه محبــــــــوب
بعـــــــــــت كلب اليودك ليــــــــــــش بعته
أنــــه بليـــــــــاك شلي بهاي دنيــــــــــــاي
ميـــــــــــت والاجل موحــــــــــــــان وكته
جـــــــــــاري وزين أعرفك واعرف البيك
مــــــــــثل خيال من يصعد مهــــــــــــرته
تــــــهده بمشــــــــــــــــــــيتك لاتعثر أطيح
الكـــــــــــمر لوطاح ماتلحك نجمـــــــــته
أذا عــــــــــــــــندك محب روح الله وياك
ونه شــــــــــنهو بحياتي الماخــــــــسرته
عاـــــشر غيري ثاني يــــــــجوز ترتاح
هلبـــــــــــــــت كلبك يكمل فرحــــــــته
هذا اللــــــــــــي تريده وانه ممـــــــنون
وهــــــذا اخر قرار أنــــــــــــته أتخذته

أمــــير السلمــــــان