الحب جنون --- للشاعر علي الكركوشي

الحب جنون

اون عالاخذ روحي ابهدوة الليل يحلو الطول ضل نص الكلب يمك

حبـــك عش صبح واتمركز الدلال وابعيني انرسم كـــل طولك وجسمك

اعرف واعلـــم وادري كلش زين مرات انسه اسمي والفظ انـــه اسمك

سهم حبــــك رماني وعيب الدلال ويبقى الكلب ينزف مــن الم سهمـك

الليل ابون اخلصه وبس جذب حسرات من اذكـر شخص متوسد ويمــــك

مرات انه انام اشويه تالـــي الليل تجيني ابحلم جـــن ابحظني واشتمك

افز فرحــــان حيل وبالي مرتاح ادور مـــاكو بس ابعيني ضل رسمك

وبنفس الوقت انــه ادري كلش زين مثل مثـل حلمي اعتقد واظبط ضن حلمك

يالشايل جمـــــال وتملك الاخلاق سبحانه الجليــل ابهالحسن لمــــك

عـــاف الروح كلبي وظل يفكر بيك كلبي الروح ذمهه ولاتظن ذمـــــك

طعم عندي يفوح امــن الهج ابطاريك مثل طعم المســـك واطيب اضن طعمك

تذكر مـن كعدنه وايـــد تشبك ايد وجفي ابكــــل محبه امصافح الصمك

تذكر من كــــلت حبك سكن بالروح وانه الـــــروح الك هاديهه ومسلمك

وعندي ابسط مثال وبيــك هالموجود اجرح أي جـــــرح تلكاني وي دمك

وانـــه انخه الي نزل بالارض قران يجمعنه ابمحبه ودوم اضــــــل يمك

قصيده جميله جدا
وبدايات موفقه معنا ايها الشاعر المبدع
نأمل ان تستمر وتتواصل بهذا العطاء الرائع
لاتحرمنا المزيد فنحن بانتظار سيلك
لك خالص الود عزيزي

قصيده جميله جداااااااااا
ننتظر منك كل جديد

شكراً على مرورك ننتظر منك كل جديد