كبر وبان من زيجة لاالي
وعمري ما أسمعت منه لاالي
تعنالي بغربتي لا لاالي
وهمست انه وسمعني وكال هاها
ضحكلي وبان سن الترف هاها
اغنيله حبيبي أنسيت هاها
ونسيت اسمي يا ربي من شفيته
وردت انه الاقبله من شفيته
طبيب وكلي احبك من شفيته
ونكرني وعرفت الوادم هوانه
وضدنه أتغير العذبي هوانه
وهوانه بان على الواضح هوانه
ويايه والطمت أيدي على الراح
وبجيت انه وألف وسفه على الراح
المحبة ما تجي سهله على الراح
المحبة أتريد اتعبله واضحي
وباسمه لأنحر بعيدي واضحي
ولسعيله الفجر امشي واضحي
يمه انه الضحى أوصل ونصفه
وعتبنه ويعاتبني ونصفه
وبنص ليلي يشابكني ونصفه
اشبكنه وترد الروح ليه
الدكتور
سلام الدراجي
