عيوني من القهر تلفن وصدن
لو يعمن فلا اعوفك واصدن
اصيرن حارس بحلكك واصدن
شرط ماخلي بوسة اطب علية
حياتي الحلوة من بعدك شمرهه
وعيني بنار هجرانك شمرهه
روحي الطف صفت وانتة شمرهه
وتضحك جاي جايبلي المنية
مـره آنـي أدينـه مـره أدنـي
ومـره أبتعـد عنـه مـره أدنـي
خصـره وطـول شعـره مـردنـي
وركض لـوجيـت مـاتلحـك عليـه
حبيتـك وأصبحـت بغيـر عـالـم
ورب العـرش يشـهـدلـي وعـالـم
طـالـب أنـي عنـدك وأنـت عـالـم
تشـرحلـي وتـرد تمتحـن بيـه
أنـا بحبـك أبـد مـايـوم غشيـت
وعـن كـل البنـات النظـر غشيـت
گعـدت يمـه وعليـه بسكـوت غشيـت
وگـف صـاح المـدرس غـش عليـه
تغـار الحـور مـن حسنـك وشكـلك
عسـل لـوكيـك ربـانـي وشكـلك
أريـدك مـن تجـي مـايـع وشكـلك
ومثـل مـاأريـد أشكـلك بيـن أديـه
مصيبـه وميـة داهيـه يـامبـارك
وكلهـه تكـول أرحـل يامبـارك
ويـوم تـروح عيـد ويـا مبـارك
نصبـح يـوم مـافـي بلطجيـه
اكت دمعي التريدة هسه اكت لك
وتريد لساني يسكت؟ هالستكلك
اذا متكول احبك؟ هسه اكتلك
واكوم انوب اكتل روحي بدية
بعدكم كمت اسوي النوح وجبات
ولاخلي دليلي يهيم ويبات
الحزن وياي طول الليل ويبات
بفراشي ويسولفلي عليه
منقوول
