الغـربه ماترحم ابنادم
ياغريب اذكرهلك
رد ياغريب
بالوطن چم والده
اتـّاني الابنها
وتنحب شـما تطلع
الشمس وتغيب
روح زيح اهموم
كَلب امك يـخايب
فك حزنـها
ومسح الدمع السكيب
إهناك إلك جم عين
مشبوحه إعله دربك
وتنتظرجيتك بلهفه
چم حبيبه وچم حبيب
اتطيب كل جروح
البكَلبك تطيب
وجرح بُعد الوطن
مايشفه ويطيب
من عكَب أهلك وناسك
بعد ماتلكَه
دوه العلتك
ولاتلكَه الطبيب
هدّمت حيلك الغربه
ماشفت راحه بـحياتك
بالفرح مالك نصيب
چنت عايش
بين أعز أحباب كَلبك
هسه عايش وحدك
بعالم رهيب
ارضعت من ثدي الحزن
لوعـة زمانك
ولبست جلباب
للهم للنحيب
صارعشرسنين
ببطون الليالي الصبريطلكَ
لاجبت انته ولا
صبرك يـجيب
طالت السفره
اوخلص بالغربه عمرك
واليسافر..يرد
لحضان الوطن بعد المغيب
الغربه.. ماترحم غريب..
ارحم شبابك
عود ترجع للوطن
لـمّن تشيب...
