بقلمي -قريت الفاتحه- مات الهوى بگلبك

قريت الفاتحه
قريت الفاتحه
مات الهوى بگلبك
وعزوني
وسهيت البارحه
وانه بذكر حبك
وندهوني
اعيوني والكلب
ندهوني چذب
عزوني من ارحلت
گالو سهل نسيانك
ضنوني من كابرت
اگدر على هجرانك
مايدرون
صرت مجنون
وروحي رايحه
وهامت على دربك
وردوني
قريت الفاتحه
مات الهوى بگلبك
وعزوني
==
على عيوني-- صور رسمك
على شفافي--اثر لسمك
مهما تغيب
لامتغيب
روحي وياك
ابد منساك
وانته طير ومسافر
اظل اهواك
يظل ذكراك
وادري ما ترد باچر
تظل گهوة سهر
ويفوح منها الهيل
ويظل فكري جسر
تعبر عليه بالليل
افكاري سارحه
وچن عايش بگربك
يسهروني
قريت الفاتحه
مات الهوى بگلبك
وعزوني
==
عسى وادري العسى
متصير واتامل
ما ألومك لان معذور
انه لهدميت السور
بعد شيعيده للاول
ادري ماتجي
وانحرگت اوراقي
لكن ارتجي
بلچن امل باقي
عسى ورد الصبح
يرد النده يضمه
عسى دم الجرح
من يوگف يلمه
عسى تغير افكارك
لو هدء وضعك
عسى دموعك تجيبك
لو سكت دمعك
وتگول مسامحه
وارجع كحل هدبك
يشوفوني
قريت الفاتحه
مات الهوى بگلبك
وعزوني

كلمات
ناصر اسماعيل الموزاني

شكرا لك على القصيدة الرائعة

اقتباس:

---

المشاركة الأصلية كتبت بواسطة الامير سامر1

شكرا لك على القصيدة الرائعة

---

شكرا لمرورك الجميل تحياتي وامنياتي
اخوك الموزاني