بقلمي-ياترف-يا ريشة وَََز
-ياترف - ياريشة وَز-
ياترف
ياريشة وَز
يا اترف من النرجس
يالماتفز
وانه اصرخ
ومره اندس
فزيت
من رفت فراشه
فوگ خدك تهمس
عيونك نجمتين بسمه
وانه بسهر وبهندس
لاعيني شافت گمره
ولا صبح گلبك مشمس
ولا ناري تركت جمره
ولا بيك ردسه وتردس
ارماد سواني الهجر
من ديره لديره انتشر
بلچن الاگيك بدرب
ووياك اچلب بالهدب
ومن هدبك اوصل للگلب
وبرماد نيراني اتحس
-------
ياترف
يا ريشة وَََََََز
يا اترف من النرجس
------
ونيت ونه ويَ الفجر
راح الحيل
ونة ربابه اعله الهجر
نص الليل
ضنيت يحمل ونتي
جنح الريح
وتسمع الم جوه الضلع
بيك يصيح
يالماكو منل بالوصف
عنوانه
وردات بيضه اعله الزلف
خجلانه
والگذله چن رايه ترف
سكرانه
شرد اوصفك يمدلل
الورد منك يخجل
والشاف وجهك ماصبر
يا احله من كل الصور
يالساكن بوجهك گمر
ومگابل بخدك شمس
الحرف
منك يعجز
والغني بوصفك مفلس
ياترف
ياريشة وَز
يا اترف من النرجس
كلمات
ناصر اسماعيل الموزاني
رد: بقلمي-ياترف-يا ريشة وَََز
سلم الله لنا هذا الأبداع والتميز ايها المتالق ( ناصر اسماعيل الموزاني )
ربي لايحرمنا من هذا القلم الذهبي
دمت لنا بكل خير وعافية تقبل تحياتي بكل ود واحترام
رد: بقلمي-ياترف-يا ريشة وَََز
تلك هيه الانشوده السرمديه
ناصر اسماعيل الموزاني
سلم يراعك أيها المبدع
تقبل مروري المتواضع.
رد: بقلمي-ياترف-يا ريشة وَََز
اقتباس:
المشاركة الأصلية كتبت بواسطة حب ساره
سلم الله لنا هذا الأبداع والتميز ايها المتالق ( ناصر اسماعيل الموزاني )
ربي لايحرمنا من هذا القلم الذهبي
دمت لنا بكل خير وعافية تقبل تحياتي بكل ود واحترام
شكرا لمرورك ساره لك كل اكاليل النرجس والقبلات
والاماني الجميله على مرورك الرائع
ناصر
رد: بقلمي-ياترف-يا ريشة وَََز
اقتباس:
المشاركة الأصلية كتبت بواسطة foraten.net/?foraten.net/?foraten.net/?foraten.net/? الكعبي
تلك هيه الانشوده السرمديه
ناصر اسماعيل الموزاني
سلم يراعك أيها المبدع
تقبل مروري المتواضع.
شكرا لمرورك الجميل لك كل الحب اخي العزيز
امنياتي
اخوك ناصر
