مشتول اعله بابك لا تخليني

مشتول اعله بابك لا تخليني
فك شباج حسنك كوم واسكيني

ميت بيك كلبي وانت عايش بيه
وغيرك ما اظن انسان يحييني
...
تندل كلشي انت بيه وانه تايه بيك
تعال ارجوك لحظه وعلي دليني

طيفك ماي صافي وهاي وحشة ليل
الغيرك وين اروحن من تغص عيني

بيني وبين وصلك درب مابي ناس
لان بس انته عايش بينك وبيني

تعال امطرلي ضحكه واحيي كاع شفاي
ماريد بغيابك دمع تنطيني

تعال وخلني اشوفك ...كارثة فركاك
واراويك الصليل الاكل جفيني

عيوني بغير رسمك ضاك بيها الشوف
وعله اجفوفي بغيابك صفت تبجيني

الدنيا.. الامس جانت واسعه بطرواك
بكطع وصلك بعد ما أظن تحويني
منقول

الله الله كلمات روعه عاشت الايادي

عيوني بغير رسمك ضاك بيها الشوف
وعله اجفوفي بغيابك صفت تبجيني

الله ع یا مبدع
کلک ذوق
وشکرا لک ع هذا النقل الجمیل
تحیتی لک

شكرا لكم جميعامروراكثرمن رائع

قصيده رائعه لك كل الحب واكاليل الوردعلى كلماتك الجميله
اخوك ناصر

قمه في الذوق والروعه

تحياتي لاتنقطع وودي يسبق

ردي دام الابداع والتالق

تحياااااااااااااااااااااااااااااااااتي