انا سني والشيعي اخوي والكردي ابن عمي

والمسيحي جاري وخويي وهمه ما فرق عن همي



ـ

ـ

اصعب ايام مرت علينه

ودمهم اتمازج بدمي

ـ

ـ





الموت شفناه سويه وياما من الزمن شفنه اذيه

ما تخلينه عن بعضنه ولا فرقت كلوبنه المنيه

ـ

ـ

ـ

وره الميت ..... كلنه نوكف نصلي.......

طرح .. تعليك.. وصليب وعلى الجثمان باسم الله نسمي



ـ

ـ

ـ



حرب ايران وحرب بوش طيارات على الراس تدوي

الشيعي شال المسيحي بعين والثانية شالت السني

ـ

ـ

ـ

ـ

حصار سنين والشعب ما شاف غير الالم والجوع

سمعتوا يا ناس صدر فد يوم اكل خاص للشيعي والسني؟؟؟؟

ـ

ـ

ـ

خبزتنه مناصف تقاسمناها

وبالمضايف فرشناها

وما كتبنه عليها اسم شيعي او سني

ـ

ـ

ـ

بعاشور الطبخ ما ينعد ولا يحصى

تلكى الشيعي يصب بالثواب و باخوه السني يتوصى

ـ

ـ





ويجي هسه نذل وخسيس

ويكول جامع حركة شيعي

وحسينيه ما سلمت من ايدك يسني



ـ

ـ

ـ

والمشكله هناك بعض الناس تكول انا مظلوم بس لان انا شيعي لو انا سني



ما تكول انا مظلوم لان دم اخوي ما فرق عن دمي

ـ

ـ

ـ



يا عراقي ليش متكول

الي ذبح اخوك هو نفسه الذبح عمي

ويهدف يحط بيني وبينك حاجز اسمه الموت والقتل والعدوان والكره لامي

ـ

ـ

ـ





يا اخوي انا الجسد وانت الروح

شلون تكدر تستغنى عني!!

ـ

ـ

ـ





لا تنطي مجال للي يحفرون على بابي وبابك وباب الجاهل الامي

وخليني امسح بجفوفي دمعك وانت بجفوفك امسح بدمي



وانت بجفوفك امسح بدمي
_________________
احبك يا عراق

عاشت ايدك على الشعر كلش حلو

تسلم على الموضوع الرائع

تسلم على الموضوع الرائع