================================================== ==
صبر المضيعين
مادام ابرمل يتهدم البنيان
مايثبت بعد لو بل صخر ساسه
والميت صدك لاتضن يوم ايعود
لوناحت اخوته وخلته وناسه
لوباسك زمانك غنج عل خدين
لتضن الشفايف كلهه بواسه
لاتكشف اسرارك من يجيك الليل
موليلك تهيع كلهه حراسه
خل طبعك نخل وطباعه ترضي الناس
شامخ من غلاته ومانزل راسه
رافك كل جدم مارافك البذات
ماغير مشيته وبدل احساسه
ماجف النهر ماشرد من الراك
مابدل ضحكته ولاكلب لونه
ولاطيب الطفوله اتغير ابلحضات
ماماتت ضحكته ونامت اعيونه
ولاسدر المحنه امزاعل الجتفين
يوميه عله دربك فارش امتونه
طال الليل كلش وطريج ابعيد
ودروب التضدك ماهي مامونه
لعيوني اشتهيتك طيف المحبين
وعيوني ابغيابك تدري محزونه
احسب باليالي احساب المضيعين
وغتاض الصبر ونكسر ماعونه
يل زرعك كبر وبكل كتر ينخاك
احرس منجلك عن لا يكسرونه
====================================
الشعر غني الforaten.net/?foraten.net/?foraten.net/?foraten.net/?foraten.net/? سوق الشيوخ
http://www.14noor.com/forum/fawasel/530.gif
http://www.14noor.com/forum/fawasel/828.gif
http://www.14noor.com/forum/fawasel/6.gif
