ماكنت شاعر ولافيدي خواتم ومسباح
الين شفته وكانت شوفته عن ملايين
سود عيونه وخده كذبة زرع تفاح
شفته وثارت مشاعر خاطري كالبراكين
من ثوبه المسك والعنبر وذاك العطر فاح
اليا تكلم درر....واليا تنفس رياحين
حمدت رب السما والعنت كل الشياطين
من يومها كل درب صاربه نور وضاح
من عقب ماكنت دروبي ضلام وثعابين
صارت ليالي حياتي كلها عيد وافراح
الله يسعد حياته سيد كل المزايين
جاني وسلم عليه قال لي قبل مارح
يقول احبك وصار العقل عقل المجنانين
في وقتها قلت ياحضي وياكثر الارباح
مادام حبي سكن في خافقه والشرايين
كتبت اسمه على كل الحجاره والالواح
وغنيت للطير عنه والشجر والبساتين
والله احبه وانا في حبه اليوم مرتاح
وخبيت فرحي وحولي ناس ماهم بدارين
