مادير , الياهو , الجان , ظهري(قصيدة)

مادير , الياهو , الجان , ظهري

بعد ما ادير ظهري الياهو الچان
او وصل حد الحذر حتى اوية اخوتي
بلوة امن احچي
من اسكت بلوتين
وحچي اليكره صفة رابع بلوتي

اشتريت وادري بيهم
ما ينفعون
وقبل( العمله) خسران بشروتي
ليلي العلماهم ...
رمي الچيلات
الحرامي منكتل كتلوا هدوتي
مشيهم مرتبك
يتوسل الگاع
وانه الگاع اثبتها بخطوتي
البعض منهم يسولف
ما حچوا بيه
وانه الناس يحچون بسكوتي
ما يسكت ابد ما
خايف اعليه
جروح (الفقرة) انه الطلعن صوتي
انه مهر البخت
والعزة والطيب
اتطشر خير عثراتي وكبوتي
ما ذليت مره
الدنية مطراد
الدرب يعرف حجم دوسة (حذوتي)
ما اصيرن اسد
هم بيه خلل هاذ
ذلة الصيد ال جيبه( لبوتي)
ما دورت راحه
وشهدوا الايام
اول ما صرت دورت موتي
الفاتن علي
اعرف مشن وين
وما نادم على الگلتلها فوتي
(كنز )عندي ويعيش
ولد الاولاد
محبته الناس كل كنزي وثروتي
الاگي الما يحبني
بطيبة السان
واگله العشگ بلواي وسلوتي
مرض بيٍِ المحبة
وخايف اعديك
وما تستاهل انقلك عدوتي
خيره ادلالي
ومعلمه الفناجين
وعلى اليكرهني ما تبخل گهوتي
ومن احتاج قدوه
ابعض الاشياء
ابوي وغيره ما يصلح قدوتي


م\ن

يالله
بحق الله الواحد حينما قرات الكلام اغلقت كل شي حولي وبقيت اتنقل بين الحروف

محبة الناس كل كنزي وثروتي
الاگي الما يحبني
بطيبة السان
واگله العشگ بلواي وسلوتي
مرض بيٍِه المحبة
وخايف اعديك
وما تستاهل انقلك عدوتي
خيره ادلالي
ومعلمه الفناجين
وعلى اليكرهني ما تبخل گهوتي
ومن احتاج قدوه
ابعض الاشياء
ابوي وغيره ما يصلح قدوتي
@@@@@@@@@@@@@@@@
حرت مدري احجي
مدري ارضى بسكوتي
وحرت بالناس
ياهناس
من يعرف بلوتي؟
احلم واصفح
وبالشينات
ما ارفع بصوتي
لان اصلي نظيف
اراعي الشتماني
وما عرف قوتي

هذي الابيات هدية مني الك تعبيرا عن اعجابي بكل ما اقراءه لك
تحياتي ودائما انتظر اطلالاتك المذهبة

اختيار يدل على ذوق جميل لك
كل الورد والاماني الجميله
ناصرالموزاني