حيكون ليك وحشه كبيره
والليله فى بعدك حتمر عليىّ ليالى كتيره
وانت جنبى بغير عليك من الهوا
وانت بعيد عنى حتكون ايه شكل الغيره؟
حاسهر يا روحى ما انام
ويوم بعدك حيمر عليىّ ايام
وحيطول عليىّ الليل وتهجرنى أحلا الاحلام
واسهر واعد نجوم السما
والراحه عليىّ حتكون متحرما
ولا حيرتاح لى بال ولا فى بعدك حشوف هنا
*******
دا بتوحشنى وانت جنبى اشحال يا روحى وانت بعيد
دانا لما بشوفك بيبقى قلبى فى فرحه كبيره ولا يوم العيد
ذى الربيع لما بتتفتح زهوره ذى القمر لما يطل علينا بنوره
ذى جوابك لما بيجينى وشوف صورتك بين سطوره
بالتأكيد أحس ان انت اللى جنبى
موش خيال او صوره يفتكرها فى لحظه قلبى
انت بجسمك انت بروحك انت بدمك
ودموع بين السطور أحس فيها بألمك
وفى كل كلمه اقراها اشوف فيها حروف اسمك
واخدك بين ايديىّ يا نور عنيىّ وعل صدرى أضمك
ذى حنان الام لما تلقى ابنها الوحيد
ذى فرحة طفل بلعبه او بتوب جديد فى يوم العيد
****
امال لما ترجع حيكون اذاى لقانا
حتكون كل الدنيا يا روحى فى افراح معانا
ذى ما نكون فى عيد والكل فرحان وسعيد
بس فرحتى حتكون أكتر حتولد ساعتها من جديد
حتكون الفرحه فى كل مطرح
واحس ان دى اول مره فيها افرح
واهيم ..اهيم واسرح فى دنيا تانيه
واقول للحزن روح دانا فى أحلا ثانيه
واتصور انت لهفة قلبين لما يتقابلوا بعد سينين
حنكون احنا لاتنين اذاى ...حنكون اذاى
من دلوقتى وبقولك اليوم دا قريب جاى
حنغنى من الفرحه ونرقص على طبله وناى
ونقول يا ليل.. يا ليل.ونقول موال
والكلام الحلو اللى ساعتها حينقال
واخدك على صدرى ساعتها واضمك
وحتبقى ذى ما تكون فى حضن أمك
ومع دقات قلبى أأقول الف.ألف مره اسمك
حنسيك ساعتها العزاب اللى شفته فى بعدك
وبحنان قلبى اداوى ألمك ..أداوى جرحك
ونسيك اللى شفته فى سنين البعد
والدموع اللى رسمت علامات على الخد
واعيش انا وانت أجمل ليالى الحب
وما فيش حيكون ذينا فى الدنيا حد
************
</B></I>
