أمي اعدال دنيا تكـــــــفي وزود
وصفج يكسر ظهور الدواوين
وخلكج يسع دنيا بمحــــــتواها
مدري شلون يبقى يعايش الناس
أليـــــفك عينه عله أمه ومالكاها
أمي اعدال دنيا تكـــــــفي وزود
دنيا بلايا أم من أمـــــــــــــــداها
تسحك على النمل تستغفر أسبوع
الله شلون مايرضى لرضــــــاها
تغرك بالدمع ســـــــاعات الوداع
ويشب دخان من خدها لسماها
وانه بعيد أحس بأنفاسها وياي
تصور بالمتاع تحـــــــط هواها
بس الله وبطن تنورها الطـــين
عداهم ماشفت ثالث اطـــــــــاها
إذا يم جفها توصل منة النــــــاس
تخاف جفوفها وتلبد ورآهـــــــا
تطم عين السما بشيلتها الغروب
وكلشي ألرادته جابته ويــــــــــــاها
ونسألها دعيتي تكول صلــــــــيت
بعت حجايتي والله اشتــــــراها
شايف من ترتل آية النــــــــــــوم
دلو يلولد والنوم أجـــــــــاها
بخيت البينة لحك كض الفراش
الواكف نومته واكف كضاها
تجي صفناتها تسولفلي مرات
رغم مابالها مشغول بيه
كلبهاوراسها نصبغن فرد لون
بيض ثنينهن صارن عليه
عدها أعظم يمين تحلفه وتخاف
إذا كالت وحك هاي المسيه
أمي وي الزجية بيوم الحساب
تجي رجل ورجل وي الزجية
تطلع فاطمة بجفوف عبـــــاس
وأمي هناك هم تطلع بديــــــة
وتجي هم بطبق بس ياطبق هاذ
طبق من طين كاع الناصرية
بدر تستغفر الأم لازم تكــــوم
وعلى شط العرب تترك وصية
الأم أجمل في بـــــــــــــــلادي
بس وتلغي الأشياء البقية
.................
للشاعر نهاد الخيكاني
رد: أمي اعدال دنيا تكـــــــفي وزود
وصفج يكسر ظهور الدواوين
وخلكج يسع دنيا بمحــــــتواها
مدري شلون يبقى يعايش الناس
أليـــــفك عينه عله أمه ومالكاها
تسحك على النمل تستغفر أسبوع
الله شلون مايرضى لرضــــــاها
تغرك بالدمع ســـــــاعات الوداع
ويشب دخان من خدها لسماها
وانه بعيد أحس بأنفاسها وياي
تصور بالمتاع تحـــــــط هواها
أم علاوي
ربي يحفظلج الوالدة
ويحفظ امهات الجميع
الصراحة عيوني دمعت
وقلبي رجف بمكانه وآنه أقره هالكلمات
رائعة باختيارك عزيزتي
وماننحرم هذا التذوق
قصيدة جدا جميلة
عاشت ايدج
مع تحياتي
رد: أمي اعدال دنيا تكـــــــفي وزود
والله ياام فيصل اذا انتي دمعتي
اني بجيت
لان الوالده بعيده عني
ربي يحفظ امهات الجميع بحق الحبيب محمد
كل الشكر لك عزيزتي
لاتحرميني هالاشراقه
قبلاتي
رد: أمي اعدال دنيا تكـــــــفي وزود
رد: أمي اعدال دنيا تكـــــــفي وزود
ابو ذنون سلم لي مرورك الراقي
لاتحرمني هذه الاشراقه الجميله
لك اطيب المنى
