الشعب قال كلمته الشعب هو اللى ثار

الشعب قال كلمته الشعب هو اللي ثار
استرد كرامته وحريته شعب مصرالاحرار
والليل اللي طالت ظلمته طلعله فجر ونهار
والحريه صبحت غنوته أحرار يا بلادنا أحرار
والكل بارك وقفته وصموده بقوه وأصرار
ضد اللى أكل لقمته والطغاه والأشرار
وبقوة إيمانه بوحدته خلى الظالم ينهار
هرب ومعاه أسرته من خوفه من الثوار
خرج المارد من صمته نادى بالوحده ونكمل المشوار
رغيف عيش ويا اخويا قسمته وحلفنا نعيش أحرار
والروح والدم وهبته وتبقى مصر عمار
ولأجلها الغالى رخصته وتعاهدنا على الإستمرار
كفايه الظلم اللي شلته من جوع وذيادة الأسعار
وضياع العلم اللى أتعلمته والبحث عن عمل ليل ونهار
والحق لو أتكلمته القى نفسى ورا الأسوار
معرفشي إيه اللي عملته دى قوانين حاكم غدار
والنهارده اللي حققته كان بقوة الله الجبار
اراد للظالم نهايته وللشعب يعيش احرار
**************
الشاعر المصرى
شوقى غنيم

</B></I>

آخر مواضيعي

ابطال والله
ربي يعينكم
ويحفظ شعب مصر
الشاعر القدير شوقي غنيم لقد عبرت لنا بصورة شعرية معاناة شعب كامل
سطور اكثر من رائعة
جسدتم بطولة تاريخية
تحياتي لك

اقتباس:

---

المشاركة الأصلية كتبت بواسطة أنثى شرقية

ابطال والله

ربي يعينكم
ويحفظ شعب مصر
الشاعر القدير شوقي غنيم لقد عبرت لنا بصورة شعرية معاناة شعب كامل
سطور اكثر من رائعة
جسدتم بطولة تاريخية

تحياتي لك

---

شكرا على المشاركه لشباب مصر الذى أعاد الحريه الى مصر

مع تحيتى وتقديرى