ليش تخاف
اذا ليلك ستر
من تمشي ما تنشاف
اذا دربك عدل
وبعمره ابد ما لاف
اذا ثوبك طهر
ما بيه لثگ ينشاف
ليش تخاف
لدنج تحب ايد
العلا اعلا الناس
خل راسك نجم
لاتطخ لكبر راس
البشر مو بالمناصب
بالشرف ينقاس
واحنا اشراف
ليش تخاف
اذا ايدك نضيفه
ومابگت سلطان
اذا نفسك عفيفه
رغم ما جوعان
اذا لحافك سماء
وما بگت يوم الحاف
ليش تخاف
لا تبچي اعلا فعلك
لو ثرت من حال
على احبال المشانق
تضحك الابطال
لو طحت باسر
كابر على الاذلال
وتلگه برگبتك
ضربة السياف
ليش تخاف
موته يموت وحده
البشر مو موتتات
ورجال الشدايد
تكفل الصعبات
اذا راح الوطن
متفيدك الدمعات
وتراب الوطن
للغير ما ينعاف
الشاعر
ناصر اسماعيل الموزاني
