سلة ورد .....................بقلمي
يالشـايـل رقـة وجمال الــكون
متكلـي الترافـة منـين جـايبها
كل السحر بعيـونك الحلـوات
وسـلة ورد عالخـدين شايلها
ياحايـل يمـتة الحصـاد وياك
وأثمارك من الشـفتين ناكلـها
اريد اتغزل وياك انـه اشـلون
وعيونك كرخ ورصافه داخن الها
أستر علينة ولاتطـلع مـن الباب
لأن عاليها ينكلب جـوة سافلها
يابـو عيون وكحه اتهـدة وياي
متكلي اليحبك هالوكاحة اشلون حاملها
مـن تمـشي غزالة وداست الـكاع
تـدوخ أزغـار وكبار وحتى جاهلها
الـصبر ياربي تالي اشـلــون
ما احمل بعد وعقول الخلك قافلها
مسـودن الوادم بالـترافة البيـه
والمسـودن تسـودن كبل عاقلـها
العقل داخ بغرامك وك ولع بيك
وجان ارماد كلبي وك ولع بيك
سوي أشما تسوي وك ولع بيك
ولاأكلك شنو السويته بيه
بقلمي الشاعر
عقيل كريم الشويلي
14-3-2011
رد: سلة ورد .....................بقلمي
رد: سلة ورد .....................بقلمي
اريـــــد اتغـــزل وياك انـــــه اشـــلــــون
وعيــــونك كــرخ ورصافه داخن الـــها
غزل جميل ووصف رائع عزيزي
شكرا للشويلي
ولجميل احساسه
وسلم لنا هذا المدادك العذب
مع تحياتي لك
رد: سلة ورد .....................بقلمي
[/quote]العقل داخ بغرامك وك ولع بيك
وجان ارماد كلبي وك ولع بيك
سوي أشما تسوي وك ولع بيك
ولاأكلك شنو السويته بيه
[/quote]
:2: عاشت إيدك :2:
رد: سلة ورد .....................بقلمي
عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه
رد: سلة ورد .....................بقلمي
الكناري يونس الجبوري
اشكر مرور هنا
لك تحياتي اخي
رد: سلة ورد .....................بقلمي
يسلمو عقيل
رقى الغزل
وروعة المشاعر
يدوم التألق والإبداع
باقات ورودى لك
ولحرفك الياسامين
دمت بطل الود
رد: سلة ورد .....................بقلمي
العقل داخ بغرامك وك ولع بيك
وجان ارماد كلبي وك ولع بيك
سوي أشما تسوي وك ولع بيك
ولاأكلك شنو السويته بيه
المميز عقيل الشويلي
حروف راقيه .. متميزه ..
كتبت فأبدعت
سلمت اناملك على جمال طرحك
لاعدمناك
ودي لك
نورالقمر