ليش ترد
ليش ترد
بعد ما غابن النجمات
ونورك مات
وسنينك گضاها الليل
ركضة خيل
منعمرك بعد شتعد
اذا انته بغيابك
تدري ما تصمد
ماخذت الحچي
گتلك تراك تعود
مهما تغرب وتبعد
ليش ترد
اذا صبرك بدر
باول فجر يهفل
اذا حبلك رچيچ
من الهوى ينحل
اذا انته الگطعت احبال
وصلي وما حفضة الود
ليش ترد
ليش ترد
اجيت اهواي متاخر
بعد ما نور القداح
وفاح
وطاح
مابيه روح
حتى يفوح
اذن
موسم ربيعك راح
اجه متاخر الموعد
ليش ترد
موگتلك صعب
درب الشته عاثور
تحتاج لعليه تسند
موگتلك طريق الگيض
امن بيه
من تمشيه
جدمك ما يزل يرچد
مو گتلك قبلتك هيچ
وانته اعلا العكس تسجد
ليش ترد
ليش ترد
كلملت الشاعر
ناصر اسماعيل الموزاني
