مواقف طريفة

اليوم موضوعي شوية بي نوع من الطرافة ...اتمنى يعجبكم وتشاركوني بي
بالاول راح اسأل مجموعة اسألة ..وانتوا تجاوبوني عليهة.. يالله نبدي
1-شنو اكثر موقف يضحك صار بيك؟
2-شنو اكبر مقلب يضحك سوو اصدقاءك بيك؟
3- اكيد كلنا من نحجي هواي نكوم نخربط بالحجي بين قوسين نكلب الحجي ..اذكرلنة مرة حجيت بيهة هواي وكلبت الحجي (اكيد تحجيلنة الجملة اللي حجيتهة بالمكلوبي)
4- مرة من المرات ردت تسوي شي ونسيت انت شتريد تسوي وورة اسبوع تذكرتة؟
5- فد مرة احد خرعك خرعة قوية وشسويتلة ورة ما اكلت الخرعة
تحياتي الكم وبدوري اني راح ابدي واجاوب على كل شي:
1- كنت دا امشي بالسوق وفات من يمي شاب فكلي الله شنو هالعيون!! اني من الخجل عثرت ووكعت وضل الولد خربان من الضحك..

2-مرة كانت اكو مجموعة كراسي وصديقاتي كاعدات باقي كرسي واحد اجيت اني دا اكعد علية شو باوعت لكيت حالي كاعدة بالكاع (لأن صديقتي وية ما دا اكعد جرت الكرسي مسافة)
3-بصراحة المواقف اللي مخربطة بيهة بالحجي هواي وحاليا ماديحضرني شي اول ميجي على بالي اكللكم بي
4- مرة طلعت من غرفة الكعدة ردت اخلي جهاز الموبايل عالشحن وكان المفروض اتوجه لغرفتي لأنو الشاحن موجود هناك ... اني بالعكس رحت للمطبخ وضليت صافنة اني شعندي هنا وبعدين رجعت لغرفة الكعدة وحاولت اعيد اللي سويتة بلكي اتذكر بس ما فاد ورة اسبوع يالله تذكرت اني شردت اسوي
5-مرة كانت الدنيا ضلمة تعرفون مشكلة الكهرباء بالعراق .. وكان صيف فردت اصعد للسطح انام ابن عمي كان متخبي ورة الباب ..فلما اجيت افتحة طلعلي شي طويل بالظلمة بوكتهة يمكن السكر صار مية عندي من المفاجئة ... بصراحة ماكدرت اردلهيا بس اكيد ما راح اعديهة حتة لو يبقة اخر يوم بعمري..
تحياتي الكم مرة ثانية واتمنى اشوف مشاركاتكم

-شنو اكثر موقف يضحك صار بيك؟من رحنا ندور على بيت المدرس وصديقتي ما تعرف الطريق
وظلينة اكثر من ساعة ندور
2-شنو اكبر مقلب يضحك سوو اصدقاءك بيك؟
هواي مقالب بصراحة ما اذكر هسة
3- اكيد كلنا من نحجي هواي نكوم نخربط بالحجي بين قوسين نكلب الحجي ..اذكرلنة مرة حجيت بيهة هواي وكلبت الحجي (اكيد تحجيلنة الجملة اللي حجيتهة بالمكلوبي)
صحت صديقاتي دة اكول الهن خلي ناخذ صورة
كلت الهن (خلي ندك طورة)
4- مرة من المرات ردت تسوي شي ونسيت انت شتريد تسوي وورة اسبوع تذكرتة؟
ييييييييييه هواي وخصوصا لمن اريد احجي حجاية مهمة وبعدين انسى
5- فد مرة احد خرعك خرعة قوية وشسويتلة ورة ما اكلت الخرعة
لللللا بالعكس اني اخوية دائما اسوي بيه خرعات وعلى فكرة انتي كولي كم موقف مسويتهة وخارعتني بيه
موضوع حلو حياتو مثلج يسلموووو