ابو ذيات للعشاق .. بقلمي

ليش ارتاحلك من دون هل ناس
وشلون احجايتك افهمها سكته
او عجيبه اثنينه واحد بالنفاس
او ياكلب التعيش اثنين دكته
اسئلت دفتر حياتي او بين الساس
طلعنه انته انه وانه انته
ونتهانه
كلبي لو يونون ونتهانه
وذا تبعد اموتن ونتهانه
لكيتك انه انته ونته انه
ورجعك بيك ارد الكاك بيه

شعر بيك
صحيح ابعيد بس كلبي شعر بيك
حزين او باقي بس يكتب شعر بيك
عجيبه اشلون ضل اسود شعر بيك
ونه ابفركاك ما ضل شعر بيه

ما شفتني
وصفتك علعلتني ما شفتني
اوعله هجرك يظالم ما شفتني
فتت من يمي جنك ما شفتني
او من شفتك انه ارتجفن اديه

ودنه
يحادي الظعن للمحبوب ودنه
او صوتي اوياه مثل الهمس ودنه
اذا محبوبنه امنصغر ودنه
عشكته او هو جان بظهر ابيه

ما تبينه
نبيك انته علامك ما تبينه
او سرك لليحبك ما تبينه
ابفكدك ماتت امنه ماتبينه
اوبقيت انته اوتريد اشح عليه

ورمن
من هجرك رديف اجلاي ورمن
يعايفني اوتريد اتروح ورمن
منسولف قصتي ليهود ورمن
جان استسلمو عل صار بيه

تحياتـ بقلمي ـي

باقه اكثر من رائعه من الأبوذيات
سلمت اناملك المبدعه واهلا وسهلا بك اخي العزيز
ننتظر كل جديد لك
تحياتي

بعد التحية والاحترام
اخي العزيز
شكرا جزيلا لمرورك العطر
تحياتي يلغالي

صح لسانك
ابوذيات جدا جميلة واحساس اجمل

لك اطيب تحياتي عزيزي
ودام لنا هذا النبض والإحساس

أفز من يكبل وليفي وفر بيه
وشبكه ومن فرحتي أركص وفر بيه
أذا بشته وجو بارد وفر بيه
أحس تموز حظنه أيصير اليه.......مع حبي

الله الله
إبداع , وشيء أكثر من رائع
الله يعطيك العافية
ولافض الله فاك

دمت بخير
العنود

اختيار راقي وجميل
ننتظر مساهماتك القامه
تقبل مروري

نغم بشفاف محبوبي شجاني@وغيرالحب يهاالوادم شجاني@طشاش الماي غركني شجاني@اكطفت روحي ابحروشلون بيه@هذه الابوذيه للمرحوم عبدالحسين ابوشبع_النجف الاشرف