يسرني ان انقل لأحبائي في المنتدى هذه المساجلة التي حدثت بين شعراء منتدى البنفسج الخاص بالشعر الشعبي والتابع لاتحاد الادباء الشعبيين متمنيآ ان تنال اعجابكم.
لحد يدور احگوگه....عد الحكومه البوگه
مگرود يبقه ابن الوطن
حسباله حسباته انتهن
يعتقد زردومه اندهن
مايدري بس هالضوگه......عند الحكومه البوگه
حاتم الهاشمي
مگرود ابن الاهوار
وأبن النجف والانبار
بوگ ونهب للستار
والشعب نازل سوگه.....عند الحكومة البوگه
كاظم السماوي
نازل السوگ ومنعرف
ياحاتم اترك هلوصف
هسه الالف يلهم الف
والميت الف مسحوگه....عند الحكومه البوگه
كريم كاظم السعداوي
مكرود ياهذا الوطن
بالظيم عايش والمحن
ياهو اليحكمه بهالزمن
يلعب لعب بطروكه---عد الحكومه البوكه
ماجد الحلاوي
نشکي ولا واحد سمع
عیشونه بوهام وبدع
للثوب ماتنفع رگع
کلش چبیره شگوگه... عند الحكومه البوكَه
ماجد الحلاوي
إحنه اللي سلمنه الوطن
بيدين حسنه أم اللبن
حگ الفقير إبهل زمن
نامت عليه طابوگه... عند الحكومه البوكَه
كاظم السماوي
مسحوگ ظل هذا الشعب
طوبه اصبحوا بعد التعب
البرلماني بي لعب
وشبچه الهدف مشگوگه... عند الحكومه البوكَه
اسامة العبيدي
طعنه المنافق والخبل
وهواينه رخينه الحبل
ذيل الجلب ما ينعدل
لو بينه خير انسوكه....عد الحكومه البوكه
علي الغريب
من يوم سقطنه الصنم
ونجماته شالوهه العلم
لا طفل ..لا شاب السلم
سموم وسرت بعروكَه...عند الحكومه البوكَه
شنسوك اذا هوًّ انجلب
ماشايف وشاف العجب
عدنه حكومه بلا ادب
كل ميت الف خاشوكَه ...عند الحكومه البوكَه
علي الغريب
مظلوم من يومه الوطن
مّرنه أشكااال المحن
شكواته بس للهبقن
مسلوبه كل حكَوكَه....عند الحكومه البوكَه
باسم السماوي
مسكين ياشعب ألذرى
ردوك چنهـــــم للورى
باكَوك وعيـــونك ترى
أمريكا وي هل جوكَه .. عند ألحكومه ألبوكَه
علي الغريب
مرينه بيكم ياحـــــمد
مامش بعد شي أنحصد؟
كل ظنتي الظلم انوئد!
لابد طريقه نعوكَه ... عند الحكومه البوكَه
foraten.net/?foraten.net/?foraten.net/?foraten.net/? الصالحي
يا كاظم او زاد البخل
والخل بعد ما ضلّه خل
حتى النهر عاف النخل
من كَطعوها اعثوكَه .. عند الحكومه البوكَه
حاتم الهاشمي
بيدين حسنه أم اللبن
احلامنه كلهه انتهن
صارت الغيرة ابلا ثمن
ويه اللبن مطروگه.....عند الحكومة البوگه
علي الغريب
غاب الضمير وما رجع
والشعب مل من الوجع
لغير الله صدك ما ركع
وحدوده ما مغلوكَه ...عند الحكومه البو كَه
foraten.net/?foraten.net/?foraten.net/?foraten.net/? الصالحي
هاي الحكومه امخالفه
ما ظن بعد بيهه وفه
امبينه القضيّه امزيّفه
وبالكَصه هالمدكَوكَه .... عند الحكومه البوكَه
علي الغريب
شيجب عدلك ياعلي
شوف الوطن هالمبتلي
أرضي وصفت ماهي الي
ولا بيها الي طابوكَه ..... عند الحكومه البوكَه
حمودي الحياوي
الدسـتـور گِـلي شـوصه
گـطعــو علينه الحصـــه
والشـكــر بـاگــو نصــه
خلــونه بس انضوكََـــه .. عند الحكومه البوگــه
علي الغريب
رغم الجرى ياهالوطن
واهوالك الراحن وآجن
تبقى عراق النه حظن
عاشكَ وفي المعشوكَه .... عند الحومه البوكَه
حاتم الهاشمي
محروم كلش الشعب
نفط العرب مو للعرب
نركض ومامش بس تعب
واعصابنه محروگه.....عند الحكومة البوگه
علي الغريب
عين الوطن لتظن غفت
دم مو دمع هيه بجت
عالوالده المــــا قط شكت
شمعه وصفت محروكَه ....عند الحكومه البوكَه
foraten.net/?foraten.net/?foraten.net/?foraten.net/? الصالحي
لا بعده ما فز الوطن
ولا شعبه للصاير فطن
من اذنك اشلع هالكَطن
دكَ الطبل داكَوكَه .. عند الحكومه البوكَه
اسامه العبيدي
معروف شعبي بعادته
مو اي بطن هالشالته
جانت الدنيه بعازته
كلهه ونطه من احكَوكَه ... عند الحكومه البوكَه
يابرلماني اسمع ولك
كبلَك على الكرسي هلك
ربك ابلحظه ايبدلك
يا جهرة العكَروكَه .. عند الحكومه البوكَه
جلال البطاط
هذه الشعب هم مبتلي
دايخ ويندب ياعلي
والله لحشم كل هلي
وثورة غضب معلوكَة...عند الحكومة البوكَة
جلال البطاط
ظلمة غدت يا هالربع
المالكي صاعد سوكََََة...عند الحكومة البوكََة
كاظم جابر السماوي
ريسهم ايحك كفشته
وبليس نافخ كرشته
بستوگه ظمهه اعله الشته
وينشد على البستوگه ..عند الحكومه البوگه
علي الغريب
لابد نغير هالوضع
والخير بالديره يشع
الحصه ماقط تنكَطع
الواحد عسل ريوكَه .... عند الحكومه البوكه
باسم ألسماوي
أتعلـّمت عالبــوكَـ ألربع
والچذب صار ألهم طبع
ينعدل كل هـــذا ألوضع
بثوره تظل معلوكَه.... عند ألحكومه ألبوكَه
علي الغريب
بالغربه أصبح هالشعبوالما تعب هسه تعبكل المرار أهوا شربكيله طفح من شوكَه ... عند الحكومه البوكَهمصطفى سينو
يعراق من يومك جرح
والحال شيعدله ويصح
الليل بيك بلا صبح
... عاشك بلا معشوكة...عند الحكومه البوكَهباسم ألسماويلــو زين شفتـــه وتنتخببـس قاعة ألمجلس يطبيتعلـــم ألبــوكَـــ وچـــذبألكَبله أعله ذني يسوكَه... عنــد ألحكومه البوكة
جلال البطاط
اصوات العدل مخنوَََكة....عند الحكومة البوكة
دلوني يا أهل الشرف
شنهو اللي باقي منلغف
عيشوا شعبنا بالشظف
حصروه بنص بستوكة ... عند الحكومة البوكة
كل طاغي راح يضوكة....عند الحكومة البوكة
الشيخ ابو حيدر
غيمت بس ماكو مطر
مسكين ياهذا البشر
مايدري صايم لو فطر
باكوا غداه وريوكة.....عند الحكومة البوكة
ابو نرجس الحلي
هذا الشعب كلش فقير
يقنع بخبزة من شعير
بس لو غضب تدري شيصير؟
والله يشََك احلوكََة...عند الحكومة البوكََة
foraten.net/?foraten.net/?foraten.net/?foraten.net/? الكعبي
سلة تمرنه بس نوه
گلب الشعب حيل أستوه
من ضيمه من حزنه أرتوه
وناره تشب بعروگه.....عند الحكومة البوگه
