عرض للطباعة
راح اكتب واظل اكتب لماموت
وانشر قصتي بكل الدواوين
واصيح بعالي صوتي اني مظلوم
وقصة حبنه اسويهه عناوين
واسولف كلشي سولفناه فديوم
وخل تسمع سوالفنه المجانين
وازرع بالطريق الجنه نمشيه
ورد جوري واوزعنه بسنادين
وانطي الكل محب اتلاكه وياه
باكه من الورد ياس ورياحين
واكله اللي يحب لايسمع الغير
تره ايغيرون حبكم يامساكين
مثل ماغيرو محبوبي هليوم
وسكونه اسموم ترسوهه المواعين
صالح الجابري
الأخ العزيز صالح الجابري
سلمت اناملك المبدعه
قصيدة رائعه ومعنى اجمل
بأنتظار كل جديد لك
تحياتي
تحيتي لك وتقديري
على ابداعك هنا
كلمات قمه بالروعه والجمال
كتبت بأسلوب سلس جدآ
ويسهل للمتلقي
تقبل مني ورودي ومروري المتواضع
بين ابداعك هنا
الج للبصره ولشط العرب اكتب تحياتي
تعيش بخير اهلنا اهل الجنوب وهاي منياتي
====================
وللسومري تسلم انت كلك ذوق
كلامك راقي ممتع صافي ومصدوق
الجابري