دارميات بين الام وبنتها الكل يدخل (البنات)

حوار بين أم عاشت في زمان الحب وأبنتها التي عاشت في زمان المال عندما جاء رجل يحبها لكن لا يملك المال التي كانت تحلم به فرفضته

الأم:يمه الأجه أبن أجواد موش أبن غربه
أصل الستر والطيب وأصل المحبه

البنت:اليخطبني لازم كون اني الأريده
عنده قصر وأموال وسويجه بيده

الأم:أبكبرج وأجه الخطاب كتلهم أرضه
جابولي خام الشام والحجل فضه

البنت:يمه زمانج راح بيه أنضلمتي
وذاك الوكت مرفوض مو مثل وكتي

الأم:عشنه بوفه وبطيب كل الليالي
لا زفه لا كنـتور...لا مهر غالي

البنت: أعرف بنات هواي عزن نفسهن
تكلف كذا دينار بدلة عرسهن

الأم:اشرايج لون زنكين عالحسن حبج
وملج بعد شهرين وأعلينه ذبج

البنت:بنتج بعدهه اليوم حلوه وزغيره
مو مشكله من يروح يخطبني غيره

الأم:بس كلمه عندي وياج ولله شهاده
بالوفه وبالأخلاص سر السعاده

البنت:أخر كلام وياج متطوره انه
والما يجيب المال شلي بحنانه

الأم: أختاري والله وياج ياسلوة العين
أمج وأعرفج زين باجر تندمين

مما راق لي

مع تحياتي

البنت:اليخطبني لازم كون اني الأريده
عنده قصر وأموال وسويجه بيده

خويه فاتن هيج تبطل الزلم
لان كلهم حدايق بفضل الحكومه الرشيده
والديمطاطيه
هههههههههههههههه
تحياتي لذوقك
كوني بالف خير
يالغاليه

عزيزي شيخ ابو حيدر لعد ليش داكول الكل يدخل وبالاخص البنات لان اخاف عليهن من الانتظار

افضل شي القناعة شكرا لك ياغالي لمرورك الكريم مع تحياتي ومودتي

بغرامك صرت مالك وآنه مملوك...وادري اهل الهوه كلهم عبيدك
جيب اذنك الكلبي واسمع الصوت..كل دكة ونبض يصرخ اريدك
احلى اشعار من تنقلها بيديك..وتخيل شعر منقول بيدك
اشم بكل حرف عطرك يهب هيل..وجرس كل بيت ينبض من وريدك
وتعرف ليش بحروفك عطر فاح..لان لمن جستها جانت ايدك
تعدل بالشعر وتمسح الخدود..وصابعها بفرح لامست جيدك..

تحياتي ايها المبدعه
دارميات جميله للغايه
وهادفه

عندما اقرا كلماتك اشعر باحساس جميل وقلب ينبض بحب صادق

تحياتي لك ياعدي ياراقي وشكرا لمرورك مع كل الود

تحياتي لك اخويه حسن ابو حيدر وشكرا لتواصلك