رسالة الى حمد الغائب عن البلد
قصيدة لخالي الشاعر المرحوم سامي شياع المنصوري
مر يا حمد بالصبح مر يا حمد بالليل
تلكه مضايف هلي منهن يفوح الهيل
بس يا حمد من بعد تسمع صهيل الخيل
وسلاح ما ينطرح والفشك صار الجيل
يا حمد كل خطوة التفت واخذ الحذر من هلك
شربوا مناهل غير مو من اصل منهلك
واولاد عمك حمد منها الردي منهلك
شحجيلكم يا حمد شتهل شون وشهم
ماجور ذاك الجنت تحجيلي عنه شهم
هميت اردله هويته بس يforaten.net/?foraten.net/?foraten.net/?foraten.net/? وشهم
بجيوبه الوان الخرز منهلك
هالورجك يا حمد كله بصدك ورجه
شعبان من فينوس جرته ومسخها ونجه
شعبان من تربتنه سل سيفه واجه
شعبان هذا اعربي وبابل عليه انتجه
واعلن على الناس عزمه وخطته ولهجته
واقسم قسم شعبان ثوري يظل منهجه
اقسم ...
وحك عشتار والزهرة واناهيد
لون هادت اذياب البر اناهيد
انخاني باول صياحك اناهيد
اسد غابه ولا هاب المنيه
مر يا حمد مر لاتظل بحيره
شعبان نشمي وكض ثوايه الديره
وخيدور دولاب الفلك
لاتعتقد مكلوب ايد اديرة
شعبان دك ساسه وثبت
كل النشامه امحزمه نواطيره
حمد كل للشمس لوجان عندج عوز
اللي تحمه من شعبان والله يفوز
وكل اهل السفينه من يمر طوفان
يظل شعبان قاف اليعتنيله بفوز
وهذوله احنه العراقيين
نبقى بحيلنه المحروز
وهذوله احنه العراقيين
شما زاد القحط الخبز مخبوز
كلي شلون ترضه المايجوز ايجوز
تباهينه اويه شمس الكيض
اهي بجبد السمه تلسع حرارتها
واحنه من اجانه الفيض
غركنه الاهوار ودرنه دفتها
وتباهينه اويماي الفيض
جبل قاف الحمه البحار من ارست سفينتها
حمد بسك امن الغربه
حمد وتشور التربه
تعال انفض غبار عباك
والتف بعابيتها
عزيزه يا حمد نسمتنه نسمة خير
والشمات متعجبه لمكاسبها
تعال احضن التربه وشم
عطر دم اخوتك اللي يناسبها
تحمحم خيلها اعله الحد
شد امطهمك والحك بلمتها
كلب اخوتك والله جبير
وكلوب النشامه تفيض نخوتها
الوطن يبقى الوطن كعبة
الوطن والله الوطن كعبة
