يا شوگ غني بفرح..خلي الليالي تطــــــيب
شمس الله لو سلمت..شمس العشگ متغيب
...................
ياشوگ اخذني كـــــحل..لعيونك الحلــــــــوات
وخطني بفرح عالرمش..فرحه او وفـه وكلمات
يا شــوگ من شفتك ..تحله بوفه الضحــــكات
ونت بنهاري شمس .. وبليلتي شمــــــــــعات
تنور دروب الهوه .. وتشع ضوه بترتيــــب.
..................................
يا شوگ اهل الهوه ..كلهم صفو عشـــــــــــاگ
ونت بغرامك تهب.. نسمات للمشـــــــــــــــتاگ
ياشوگ گلب اليحب .. خايف يمره فــــــــــراگ
وتدري المفارگ صعب..حنضل جفه شيــنضاگ
ونت بوصالك عسل..يگـطر نده بتــــــــرحيب.
................................
ياشوگ چـن كل حرف .. منك محبه يفوح
بلسم يحط عالجــــرح .. ويطيب المجروح
ياشوگ روحي ابتـلت .. عشگ الكبر مفضوح
وروح الذي حبتك .. شتظن مثل كل روح
شمعة وفه رويحتي .. ماتحمل التعذيب.
..........................
عذبني من فدوه الك .. لتظن اصيحن ويــل
لـنك هوه شماجرت.. تدفع سفنه بحـــــيل
ياشوگ اذاني غصن .. وحجيك نسايم هيل
يل طاش روحك نجم .. تضوي عله خد الليل
كل ما ضواها كبر ..حلم الحرامي يخيب.
.........................
ياشوگ طبع اليحب .. كل يوم يعلن عيد
يكبر بروحه الامل .. ضحكات ومواعيد
وگلب اليحب بوفه .. غير الوفه شيريد
ياشوگ اظل للگبر .. وياك أيد بأيـــــد
حبلت الدنيه بهنه وغير الهنه متجيب.
اتمنى ان تعجبكم
مع تحياتي
