لغيرك مايدك كلبي سوا لك

لغيرك مايدك كلبي سوا لك
هجرته سنين متكلّي شسوالك
عليه بالجذب مامر سؤالك
عدل ميّت مافكرت بية

حدى حادي الرجايب وانحبلها
واشوف ارسوم دارك وانحبلها
الموده وين صارت وانحبلها
انگطع لو ارتجي تعودون اليه

ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

</I>

اله سنين الفرح وياي مايه
ومو واحد اجروح الكلب مايه
اليغص ابلكمه اذا ينطوه مايه
انه بلماي اغص وشلون بيه

الف ورده اقدملك وشملك
بضلوعي وي كلبي اجمعنك وشملك
صورة بصدري ارسملك وشم لك
وتبقى على الجلد حد المنية

</B></I>



الجسد مو كلب كامل بيه نصبه
والك تمثال وسط العين نصبه
احبك لو صرت بهواك نصبه
واموت عليك من تضحك علية...

احبك من تصل يمي_وصل ليك
واكطع كلبي لو تزعل_وصل ليك
احسبك ركعه كل ساعة_وصليك
واصيح الله اكبر حن عليه



ـل كلبــــي بمحبتكــــ دوم ينشــــد
يحبكــ بس عليكـــ هـــواي ينشـــد
عـــرفت العظـــم من ينكســـر ينشـــد
وانـــه كليبــــي انكسر شي شيشــــدة اليـــه




وهذي الخاتمه ههههههههههههه


فك باب الكلب بيديك وenter
يل لمستك صوبه بليل winter
دست شفت ودلييت وياي وenter
ومحيت سنين عشناهه سويه

اتمنى تعجبكم

مماراقني احبتي

</B>

</B></I>

عاشت الاايدي اختي الفاضله على الاختيار المميز ننتضر المزيد

امير اسعدني تواصلك عزيزي
لك خالص الود

تسلمين يارائعة
ابوذيات جميلة مليئة بالاحساس والجمال
كل الشكر لك ولجميل اختيارك عزيزتي

ماننحرم ياام علاوي هذا العطاء

مودتي

لغيرك مايدك كلبي سوا لك
هجرته سنين متكلّي شسوالك
عليه بالجذب مامر سؤالك
عدل ميّت مافكرت بية



الغیرک مایدک گلبي والک داگ
یهل شامه اعلی وجناتک والداگ
(اجل السامع )اشعجبک ماتعرف احبابک والکdog
گمت یا للاسف تنبح علیه
ههههههههههههههههههههههه
معذرة وتسلمي علی الابیات

ام علاوي يارائعة تحياتي لكي كلماتك جميلة ومعبرة وكلها حنية هنيالة للي بقلبك

ام فيصولي الغاليه يسلملي تواصلج الرائع عزيزتي
ربي ماانحرم هالطله
مودتي

اسير الف شكر للحضور الرائع والمداخله الاروع
لاتحرمني اشراقتك اخي
لك خالص الود