اخر كتاباتي
تدري بيه احبك واخاف عليك
وتدري الكلب مامتعود فراكك
ليش ابتعدت عني بلايه اسباب
شنهو الغيرك متكلي وشصابك
جنه اثنينه عايشين باحلى ايام
شجاك اتغيرت واتغيرت احوالك
انه الي سكيتك ماي من العين
تاليها بغدر تجازيني بفعالك
انه الي وكفتلك بساعه الضيج
هسه بكل صلافه تجويني بنارك
سويتك نخله ولاماتهزك ريح
وصرت سعفه الك وصرت جمارك
تاليها اتركتني للالم والاه
مو مول السعف وهم مل جمارك
نسيتك انه ونسيت كلشي الكان
نسيت كلشي من انكطعت اخبارك
هسه رجعت بعد ماانه نسيت
جاي وتطالبني باخذ ثارك
ياثار التريدة وجاي تاخذة منين
مو انت البديت وبعت خطارك :77 (9):
