فاكهة الشعراء.. أبو الأذية..

أمش مملوح غيرك يمـــــشي فاهي
وعجز يوصل الوصفك يمشي فاهي
لون توصل اشفاهك يمشــــي فاهي
الـزگ من تحط جيلات بــــــــــــــيه
الشاعر المرحوم الصديق..محمد الغريب.
........................

وحگ من يننشد الصخره شفتها
انه شمس الضحه بخدها شفـتها
لوني بشفتي لازم شفتـــــــــــها
أذوبن لو ثلج ينصب عليـــــــه.
الشاعر .. عدي فريد.
........................
يمن وجهك هلال العيد لالـــــــه
شني امك بالنساوة اشتهت لاله
مـن اگرب ليك ليش اتصيح لاله
خايف لا تذوب ابـــــــــــين ادية.
الشاعر الراحل..محمد الغريب.
...........................................
ترف گلي شتبي من الزيج لشتاك
اتگـفظ مستعد بالصيف لـــشتاك
وحگ من عزل بترتيب لــــشتاك
ارگدت لشتي بهواك ـــــلون بيه .
الشاعر الراحل..سالم الدباغ.
.............................

ترف ما شفنه زينه منك النه
حرت والصوچ صاير منك النه
چـان الزاد ماصخ منك الـــنه
لهذا السبب ما وافيت اليــه.

الشاعر عدي فريد.

مع كل الحب.

نقل مميز
وابو ذيات حلوه

احسنت اخي الغالي
ابوذيات في قمة الروعه
تحياتي وتقديري

الله
الله الله الله عليك على هذا الانتقاء للمفردات
وانتقاء لابوذيات اخوتك الشعراء(رحمهم الله برحمته الواسعة)

اقتباس:

---

المشاركة الأصلية كتبت بواسطة السومري71

احسنت اخي الغالي
ابوذيات في قمة الروعه
تحياتي وتقديري

---

يا غالي تحياتي لك عمري..
يا سومري الروح والجمال...

ترف گلي شتبي من الزيج لشتاك
اتگـفظ مستعد بالصيف لـــشتاك
وحگ من عزل بترتيب لــــشتاك
ارگدت لشتي بهواك ـــــلون بيه
. الشاعر الراحل..سالم الدباغ.
.............................
اكيد انك تختار لنا هذه الفاكهة لانك البستان
كل الامتنان لك اخي

حقيقه ابو ذيات
راقيه

اقتباس:

---

المشاركة الأصلية كتبت بواسطة عاطف المنصوري

الله
الله الله الله عليك على هذا الانتقاء للمفردات
وانتقاء لابوذيات اخوتك الشعراء(رحمهم الله برحمته الواسعة)

---

يا عمري الغالي ...يا جميل يا انيق..اعشقك واعشق اسمك.
يا رائع......
من واجبي ان اهتم بهم لانهم عباقرة ..
زرعو فأكلنا ونزرع ليأكلون..