بالك لاتصوت للنساك سنين
والنزلك لسفل بالك اترفعه
وصوتك ماي وجهك بالك اتبديه
وخل صوتك بذان اليعرف يسمعه
واختار بضميرك لوردت تختار
واذا خانك ضميرك لازم تشيعه
ذمه بركبتك مو جلمة التنگال
الذمه تريد واحد ينصح بطبعه
صح بالصور خنگو رية الحيطان
وسوالفهم غيوم ونگـّطـت بدعه
والواجب عليك تشوف وين الزين
وبديك اثنينهن توگفله وتدفعه
الجاي يريد ينفع لازم تحييه
واللي يريد ينهب لازم ترجعه
تعبان الوطن ويريد ناس نضاف
مارايد بشر بالحــرمنه مــثيعه
مايقبل علي صوت اليتامه يموت
ومايرضه اعله خدهم تنرسم دمعه
مثلك ياعلي صح مايصح انسان
وين نشوف واحد مثلك نتبعه
سبع سنين مرن واحنه جوعانين
نريد احنه اليجي جوعانه يشبعه
نريد اللي يجينه انسان عده احساس
من يصرخ ضلعنه ايأثر بضلعه
نريد اللي يجينه يموت من يشوف
الفقره بيوتها ماتعرف السلعه
حرف السين يكتل مانريد السين
شبعــتنه قهر بسنينه السبعه
سوف الدمرتنه وخذت احلى ايام
نحلم چـنه بيها بوجة الشمعه
م / ن
