موسلين للشاعر عريان السيد خلف

غيرتني اغيار عود العنة مجرى الماي ينشف

وانة الك ..لهفة غريج

اعلى الهوى المضنوك والهف

وانتة تدري
..ابرحي خامة موسلين
واخف واترف


حملتها الخاطرك..والنوب مابيها اتكأف

حملت شوكك ..والصبر خف الصبر

والشوك ماخف


لانفع بيها العذل..
لافادت الجويات علجف

لانست ليل الجفة...
ولايوم عالونة اتحسف

وابتعد عنك ..واكول اخلصت
لن الشرك ملتف

مغتر..مغتر

اودربك وعر...ياريت عنة الجدم يزلف

يلحنين استاهدك ...
شوك ولة المصيوب ماعف

غمك انياب الجفة... اوزاد الجروح اجروح ..واردف

وانتة لك عين المها...
اوكحل بدوية ابغير مرود

ياتخليني احترج وانشتل...
شامة حسن عالخد


يا امعود تردس ابروحي ردس واحتمل

ونتة العيب ترتد

كافي...
من نار البعد..
وليال فركة المالهن حد

وانتة لاطبعك شري ..
او لاتكرة...

او لاكلبك اسود

اريحي وكلك وفة

اوضحجات عمري المضت ..تشهد

البعد عيناك
اظل مثل اليتيم اومالة احد

اليحن الحنتي ...
اوروحي علة روحة ..ابشوك تنشد

هالتمر اسنين .. واسنين
او هواك امعاكس اوياها ايتجدد

يالمر ذجرك ..على اعضاي..
واتظل ...كلها اتحاذف


غيرتني ...اغيار عود
العنة مجرى الماي ...ينشف

وانة الك ...لهفة غريج ..
اعلة الهوى المضنوك
والهف

:66 (46):

تقبلو مني هذا القصيدة للشاعر الكبير

:66 (46): عريان السيد خلف (ا بو زيدون)

اخوكم :66 (46):
رفيع التهذيب

لا بيَّ أروح أوياك .. لابيَّ أخَّــــليك
ساعه العذاب اوياك..ساعه الأمل بيك.
******
نتعذب آني وياك .. حُكـــم الليالي
ما بيهه لذه الآه ..للكَلبه خــالي ..
******
أسمع سمع بالعيد .. مادامــك بعيد
ما باوست خـَّدين ..ما صافحت إيد.
******
لامعتبرني إهواك .. لا إنته ناســي
مثل الشمع ظليت .. ناري أعله راسي

تسلم عزيز على مرورك العطر
تقبل تحياتي
رفيع التهذيب